15:13 05 Чын Куран 2020
Түз эфир
  • USD84.8713
  • EUR91.6483
  • RUB1.0978
Коом
Кыскача шилтеме алуу
10510

Жол кыймылынын коопсуздугун камсыздоо боюнча башкы башкармалыктан камерага түшүп калган маалыматтарды өзгөртүүгө мүмкүнчүлүк дээрлик жоктугун айтышты.

БИШКЕК, 27-фев. — Sputnik. "Коопсуз шаар" долбоору боюнча айып пулдарды айдоочуларга жеткирүүдө тоскоолдуктар болууда. Бул туурасында Жол кыймылынын коопсуздугун камсыздоо боюнча башкы башкармалыктын (ЖКККББ) Мониторинг борборунун жетекчиси Гүлмира Баратова айтты.

"Кыргыз почтасы" мамлекеттик ишканасы менен бизде маселе жаралууда. Алардын кызматкерлери туруктуу иштебей, иштен улам бошоп кетип калып жатат. Дагы бир көйгөй — почта кызматкери жол эрежесин бузган кишиге документти алып келгенде үйдө болбой калган учурлар арбын. Мыйзам боюнча почтальон үч ирет барышы керек", — деди ал.

Баратова эрежени бузгандыгы үчүн айдоочунун айыпты төлөө мөөнөтү кагазды колуна алган күндөн тарта башталарын кошумчалады.

Ал эми Жол кыймылынын коопсуздугун камсыздоо боюнча башкы башкармалыктын жетекчисинин орун басары Нур Сатыбалдиев камерага түшүп калган маалыматтарды өзгөртүүгө мүмкүнчүлүк дээрлик жоктугун айтты.

Анын айтымында, мамлекеттик башка органдар "Коопсуз шаардын" ишине өзгөртүү киргизе албайт.

"Эгерде андай учурлар кездешсе, күнөөлүүлөр жазаланат", — деди Сатыбалдиев.

ЖКККББнын маалыматына таянсак, катталып, каралган 1 миллион 32 миң 673 токтом ар бир операторго бөлө келгенде 577 материалдан тийген. Бир күндө болжол менен алганда 4 миңден ашуун токтом чыгат.

Тема боюнча

"Коопсуз шаар": бир жыл ичинде айып пулдан канча акча түштү
Бишкек: мас болуп Lexus айдаган киши 24 миң сомдук айып пулга жыгылды
Белгилер:
жол эрежеси, айдоочу, айып пул, Коопсуз шаар, Кыргызстан

ЭҢ МААНИЛҮҮ