БИШКЕК, 27-фев. — Sputnik. "Коопсуз шаар" долбоору ишке кирген бир жыл ичинде жол эрежесин бузган айдоочулар айып пул катары 680 миллион 411 миң 895 сом төлөшкөн. Бул тууралуу Жол кыймылы коопсуздугун камсыздоо башкы башкармалыгы билдирди.
27 Бирдин айы 2020, 10:33
Бул 26-февралга карата алынган маалымат. Белгилей кетсек, долбоор былтыркы жылдын февраль айында сынамык тартипте иштеп, ал эми мартта толук кандуу киргизилген.
Жалпысынан жол эрежесинин бузулгандыгы боюнча 1 миллион 32 миң 673 токтом чыгарылып, 590 миң 130у боюнча айып төлөнгөн. Бул жалпы сандын 57,2 пайызын түзөт.
Ал эми калганы автоунаа ээсине токтом жетпегендиктен улам төлөнбөгөнү маалым болду.
