17:01 22 Аяк оона 2019
Түз эфир
  • USD69.8317
  • EUR77.1501
  • RUB1.0937
Кыш коюу. Архивдик сүрөт

Цемент, кыш берем! Балдары контейнерде окуган Нарынга эл жардам берүүгө даяр

© Sputnik / Константин Чалабов
Коом
Кыскача шилтеме алуу
226 0 0

Соцтармакта "жаңы мектеп куруу үчүн цемент, кыш, жыгач алып берем, акчалай жардам көрсөтөм" дегендер чыкты.

БИШКЕК, 4-сен. — Sputnik. Нарын районунун Кеңеш айылында контейнерде окуган балдарга жаңы мектеп куруу үчүн эл кол сунуп жатат.

Белгилей кетсек, аталган айылдагы мектеп авариялык абалда болгондуктан окуучулар мобилдик үйдө окуп жатышат. ӨКМ быйыл "ал имаратта балдарды окутууга кооптуу" деген корутунду чыгарган. Мындан улам окуучулар контейнерден жасалган алты мобилдик үйгө киргизилген. 2-сентябрь күнү анын ачылышына Нарын районунун акими Семетей Черикбаев баштаган аткаминерлердин барышы коомчулуктун кескин сынын жаратты.

Талкууга түшкөн мектеп боюнча өкмөттүн Нарын облусундагы өкүлчүлүгү да үн катып, район акими түзүлгөн кырдаал боюнча түшүндүрмө берүүгө барганын билдирди.

Социалдык тармакта ар ким алына жараша көмөк көрсөтөрүн айтып, башкаларды да демөөрчү болууга үндөшүүдө.

Илгиз Шаменов атуу ишкер мектептин пайдубалын куйдуруп берүүгө даяр экенин жазды. Ал: "Келгиле, биригип бир мектеп салып берели, антпесе балдарга убал", - деп башкаларды дагы жардамга чакырган.

Талас шаардык кеңешинин депутаты Куттубек Карпеков да эки тонна цемент берүүнү убадалады.

Ал эми Мырзабек Коңурович аттуу Facebook колдонуучусу мектептин курулушуна көмөк көрсөтүүгө даяр адамдардын тизмесин жарыялады.

Анда Абдышүкүр Жураев 50 миң кыш, Мукан Осмоналиев 10 куб жыгач, Советбек Рустамбек уулу 20 миң кыш, Чыңгыз Сапарбаев беш тонна, Жунусбек Мусурманов менен Жийдегүл Сарпашева бир тоннадан цемент, Мирлан Асанов 400 шифер жана башкарлары 1000 сомдон 30 миңге чейин жардам берери көрсөтүлгөн.

Кеңеш айылындагы мектеп 160 орунга ылайыкташкан.

Эске салсак, буга чейин президент Сооронбай Жээнбеков атайын эсепке коррупциядан түшүп жаткан каражатка мектептер куруларын айткан.

Тема боюнча

Коррупциядан түшкөн миллиондор мектептерди жакшыртат... Курулушка акча которулду
Нарында контейнерде окуган балдар. Өкмөттүн өкүлчүлүгү үн катты
Белгилер:
курулуш, ишкер, жардам, мектеп, Нарын

ЭҢ МААНИЛҮҮ