Сот залынан бошотулган Мурат Суталинов мындан ары эмне кыларын айтты

© AP Photo / Elizabeth DalzielНасилие в Пекине
Насилие в Пекине - Sputnik Кыргызстан
Жазылуу
7-майда Бишкек шаардык соту Суталиновдун ишин карап, аны сот залынан бошоткон.

БИШКЕК, 7-май — Sputnik. УКМКнын мурдагы жетекчиси Мурат Суталинов сот залынан бошотулгандан кийин журналисттердин суроосуна жооп берип жатып, бүгүн чыгарын ойлобогонун айтты.

Эске салсак, бүгүн, 7-майда, Бишкек шаардык соту Суталиновдун ишин карап, аны сот залынан бошоткон.

"Бүгүн чыгам деп ойлогон эмесмин, аябай таң калып жатам. Кыргыз элине аябай ыраазымын. Мен алардын колдоосун сезип жаттым. Мени көп киши кечирди, ошолорго рахмат. Эми калган жашоомду туура жолдо жашайм. Өзүмдүн моралдык күнөөмдү сезип жатам. Ошол трагедияларды токтотконго күчүм жетпеди, ошол үчүн кечирим сурайм, азыр да сурайм", — деди ал.

Суталинов ошондой эле мындан ары үйүндө гана болорун, сыртка чыгып кетүү ниети жок экенин кошумчалады.

"Үйдө болом, дарыланам, эч жакка барбайм. Биздин дарыгерлердин деңгээли бийик экенине ишенем", — деди ал.

Судебный процесс по делу лидера партии Ата Мекен Омурбека Текебаева и экс-посла КР Дуйшенкула Чотонова - Sputnik Кыргызстан
Текебаевдин иши кайра каралышы ыктымал. Жогорку соттун түшүндүрмөсү
Сот залынан бошотулгандан кийин журналисттердин суроолоруна жооп берип жатып, болгон үмүттүн баары жаштарда экенин, алар мындай катачылыктарга жол бербей, өткөндөн сабак алат деп ишенерин белгиледи.

Андан сырткары, дарыгердик кесипти тандабаганы үчүн өкүнө турганын кошумчалады.

Суталиновдун атасы Абдыбек Суталинов чогулгандарга рахмат айтып, алардын колдоосу үчүн ыраазычылыгын билдирди.

Белгилей кетсек, Бакиевдин бийлиги учурунда башкы чекист болуп турган Мурат Суталинов 2010-жылдын 7-апрелинде окко учкандардын соту боюнча башкы фигурант катары өткөндөрдүн бири болгон. "Кыргызстандагы кылым соту" аталган бул иш учурунда ал бөйрөгүн алдырып (рактын 3-стадиясы), химиотерапия алып жаткан. Февраль айында Ленин райондук соту аны эркиндикке чыгаруудан баш тарткан болчу.

Суталинов, андан сырткары, астмасы жана дагы эки илдети бар экендигин айткан. Жогорку сот аны 20 жылга эркинен ажыраткан чечим чыгарган.

 

Жаңылыктар түрмөгү
0