03:39 21 Баш оона 2019
Түз эфир
  • USD69.8030
  • EUR77.3278
  • RUB1.0452
Меймандарды Манас аэропортунда тосуу. Архивдик сүрөт

Депутат Кыргызстанга эли визасыз кирген өлкө санын 55ке жеткирүүнү сунуштады

© Пресс-служба президента КР / Султан Досалиев
Коом
Кыскача шилтеме алуу
145 0 0

Бекешев 2012-жылы 45 мамлекеттин жарандарына 60 күнгө чейин визасыз режим киргизилгенин айтып, ал 2020-жылга чейин жарактуу экенин билдирди.

БИШКЕК, 28-ноя. — Sputnik. Жогорку Кеңештин депутаты Дастан Бекешев Кыргызстанга визасыз режим менен тургундары кире турчу мамлекеттердин санын 55ке жеткирип жана мөөнөттү 2030-жылга чейин узартууну сунуштады.

Учурда депутаттар "Айрым мамлекеттердин жарандары үчүн 60 күнгө чейинки мөөнөткө визасыз режим киргизүү жөнүндө" КР мыйзамына өзгөртүү киргизүү тууралуу" мыйзамдын долбоорун биринчи окууда карап жатышат.

Бекешев 2012-жылы 45 мамлекеттин элине 60 күнгө чейин визасыз режим киргизилгенин айтып, ал 2020-жылга чейин жарамдуу экенин билдирди.

"Ошондон бери туристтер көбөйүп өлкөдө мейманкана, хостелдер ачылып жатат. Тоолордо боз үй комплекстери көбөйүп, жумушчу орундары түзүлүүдө. Бул мыйзам долбоорун мөөнөтсүз иштесин деп сунуштап жатабыз. Бирок комитетте дагы талкуулап, экинчи окууда мөөнөтүн 2030-жылга чейин болсун деп белгилейбиз", — деди Бекешев.

Эл өкүлү мисал катары Грузия мамлекетин алып 2015-жылы 90 мамлекетке бир жылга визасыз режимди киргизгенин, мындан улам туристтердин саны өскөнүн айтты.

Бекешев, андан сырткары, визасыз режим десе эле атайын кызматтар коркуп, террорчулар менен экстремисттер кирип кетет деп кабатырланып жатканын билдирди. Ал эми ички иштер министри менен УКМКнын өкүлүнүн айтымында, визасыз режимди 2025-жылга чейин гана узартуу талапка ылайык.

Эл өкүлү Кожобек Рыспаев укук коргоо органдарынын позициясын колдой турганын белгилеп, коопсуздук маселеси маанилүү экенине токтолду.

Ал өз сөзүндө Кыргызстанда канча кытай жараны бар экенин тактоо керектигин айтып, алтын кендеринде, "Жунда" мекемесинде жана ири компанияларда канча кытай жараны иштеп жатканын тактап, алардын канчасы кыргыз кыздарга үйлөнгөнүн аныктоого чакырды. Андан сырткары, акыркы жылы канча уйгур улутундагылар Кыргызстандын жараны болгонуна кызыкты.

Өз кезегинде Бекешев визасыз режимдин Кытай мамлекетине тиешеси жоктугун жана аларга карата визасыз режим киргизүү планы жок экенин айтты.

Ошентсе да Рыспаев кийинки окууда атайын кызматтар менен укук коргоо органдары анын суроолоруна жооп алып келиши керектигин талап кылды.

Тема боюнча

Кыргызстан соода-сатык калган 10 өлкө: төрт жылда абал кандай өзгөрдү
Кыргызстандыктар визасыз бара ала турган өлкөлөр. Паспорт рейтинги
Белгилер:
мыйзам, виза, Жогорку Кеңеш, Кожобек Рыспаев, Дастан Бекешев

ЭҢ МААНИЛҮҮ