12:57 26 Бирдин айы 2020
Түз эфир
  • USD69.8500
  • EUR75.8850
  • RUB1.0759
Коом
Кыскача шилтеме алуу
93610

Тийиштүү мыйзамга президент Сооронбай Жээнбеков 2-августта кол койгон.

БИШКЕК, 14-авг. — Sputnik. Трансформация маселесин чечкен мыйзамга президент кол койгондон кийин эми 40 миң үй курулуштары мыйзамдаштырыларын өкмөт башчы Мухаммедкалый Абылгазиев жерлерди трансформациялоо маселеси боюнча кеңешме өткөрүп жатканда айткан. Бул туурасында өкмөттүн маалымат кызматынан кабарлашты.

2-августта президент Сооронбай Жээнбеков "Кыргыз Республикасынын айрым мыйзам актыларына өзгөртүүлөрдү киргизүү жөнүндө ("Сугат айдоо жерлерин жарактуу жерлердин башка категорияларына жана түрлөрүнө которууга (трансформациялоого) мораторий киргизүү жөнүндө", "Жер участокторун которуу (трансформациялоо) жөнүндө" Кыргыз Республикасынын мыйзамдарына)" өзгөртүү киргизүү тууралуу мыйзамга кол койгон.

"Ошентип 40 миң үй курулушу мыйзамдаштырылат. Эгерде бир үй-бүлөдө орто эсеп менен бештен адам болсо, анда кабыл алынган мыйзам аркылуу 200 миң адамдын көйгөйү чечилет", — деген Абылгазиев.

Жеке турак жай курулушу башталган жерлерде учурунда жерлерди трансформациялоо процедурасы жүргүзүлбөгөндүктөн, үйлөргө документтер берилген эмес.

2009-жылдын 31-июлунда айыл чарба багытындагы жерлерди трансформациялоого мораторий киргизилген.

"Мыйзамдын кабыл алынышы менен жарандар өз мүлкүн легалдаштырып, жашаган жери боюнча каттоодон өтүп, балдарын бала бакчага, мектептерге киргизүү, социалдык жана медициналык жардам алуу маселелери чечилет. Бул мыйзамдын кабыл алынышы жарандардын күнүмдүк турмушуна оң таасирин берет. Биздин жарандардын атынан парламентке жана өлкө президентине ушул мыйзам долбоорун колдоого алганы үчүн ыраазычылык билдирем", — деди өкмөт башчы.

Маалыматка таянсак, 14 миң гектар жердин ичинен трансформациялоого турак үйлөр салынган 9,1 миң гектар сугат жерлери туш келген. Калган 5 миң гектары мыйзамдын талаптарына дал келбейт жана трансформациялоого жатпайт.

Абылгазиев мораторий киргизилгенге, тагыраагы 2009-жылга чейин айыл чарба жерлеринде имараттардын жана курулуштардын мыйзамсыз салынышына жол берген адамдардын жоопкерчилиги четте калбай тургандыгын айткан.

Маалыматта жеке үйлөр салынган же ыйгарым укуктуу органдардын тиешелүү чечими бар сугат айдоо жерлерин трансформациялоо тартиби он күндө иштелип чыгары белгиленди. Бул маселе боюнча биринчи вице-премьер Кубатбек Боронов жетектеген атайы түзүлгөн ведомстволор аралык комиссия иштемекчи.

"Бекитилген талаптарга ылайык кайсы жерлер трансформацияланбай турганын комиссия аныктайт. Алар жерди трансформациялоого тиешелүү комиссиянын терс бүтүмү чыккан жер тилкелери, экологиялык жана санитардык- эпидемиологиялык ченемдерге жооп бербеген жер тилкелери, сот органдарынын тийиштүү чечими бар жана башка жер тилкелери", — деген Абылгазиев.

Sputnik Кыргызстан бир нече убакыт мурда Кыргызстанда сугат жерлерине курулган канча үй мыйзамдаштырылганы тууралуу инфографика даярдаган.

Тема боюнча

Кенжебаева: 13 миң гектардай кайрак жана сугат жерлерине салынган үйлөр аныкталды
Трансформация мыйзамын талап кылгандар Ак үйдүн алдына митингге чыкты
Белгилер:
трансформация, мыйзам, жер тилкеси, өкмөт, Кыргызстан

ЭҢ МААНИЛҮҮ