Буга байланыштуу Sputnik Кыргызстан трансформациялана турган 14 миң гектарга жакын жердин ээлигин, курулуп кеткен үйлөрдүн санын тизмектейт.
Сугат жана кайрак жерлерде курулган үйлөрдүн аянтын атайын комиссия 2014-жылдан тарта тактап келет. Ага мамлекеттик мекемелердин кызматкерлери, Жогорку Кеңештин депутаттары, өкмөттүн облустардагы өкүлдөрү менен акимдердин орун басарлары жана айыл өкмөт башчылары катышкан.
Анда Кыргызстандын 220 айыл өкмөтүнүн карамагындагы 14 миң гектарга жакын жерде курулган турак жайдын саны жана ээлигин тактоо иштери жүргүзүлгөн.
Жыйынтыгында бирдиктүү реестр түзүлүп, Жогорку Кеңешке сунушталып үчүнчү окууда кабыл алынды. Аталган мыйзам долбоору учурда президентке кол коюуга жиберилди.
