02:15 17 Теке 2018
Түз эфир
  • USD68.2447
  • EUR79.8190
  • RUB1.0962
Токтогул атындагы мамлекеттик сыйлыктын лауреаты, белгилүү драматург, акын, коомдук ишмер Султан Раевдин архивдик сүрөтү

Бас гитара чертип, Beatles ырларын аткарган Султан Раев. Драматург тууралуу 7 факты

© Фото / из личного архива Султана Раева
Коом
Кыскача шилтеме алуу
Мирбек Сакенов
Кыргыздын көркөм өнөрү, белгилүү инсандары жөнүндө фактылар (205)
86410

Бүгүн Токтогул атындагы мамлекеттик сыйлыктын лауреаты, белгилүү драматург, акын, коомдук ишмер Султан Раевдин туулган күнү.

Жараткан чыгармалары менен дүйнө жүзүнө таанылган инсан 13-июлда 60 жашка толду. Sputnik Кыргызстан агенттиги жаш кезинде ырдап, кино тартууну эңсеген инсан тууралуу кызыктуу фактыларды сунуштайт.

Кинорежиссер болгусу келген. Султан Раев Ош облусундагы Кара-Суу районунун Жоош айылында 1958-жылы туулган. Мектепти аяктаган соң Москвага барып Бүткүл союздук мамлекеттик кинематография институтуна тапшыра албай калат. Анткени айылдан келген жигит окуу жайды 2-3 күн издеп жүрүп сынакка катышууга үлгүргөн эмес. Аскер кызматын өтөп, 1984-жылы Кыргыз мамлекеттик улуттук университеттин журналистика факультетин аяктаган.

Экс-министр культуры, писатель, драматург Султан Раев (первый слева)
© Фото / из личного архива Султана Раева
Султан Раев Ош облусундагы Кара-Суу районунун Жоош айылында 1958-жылы туулган

Журналистикада чыйралган калемгер. Жаш жазуучу эмгек жолун "Ленинчил жаш" гезитинин карабарчылыгынан баштап, кийин "Кыргызстан маданияты", "Жаштык жарчысы" гезиттердинде иштеген. Кийин "Кыргыз Руху" басылмасын негиздеген. 1994-жылы АКШнын Канзас университетинин журналистика факультетинде стажировкадан өтөт. Бул мезгил аралыгында тажрыйба топтоп калеми курчуйт. Андан сырткары, 2004-2005 жылдары "Эркин Европа" жана "Азаттык" радиосунун саясий баяндамачысы да болуп иштеген.

Экс-министр культуры, писатель, драматург Султан Раев в юности
© Фото / из личного архива Султана Раева
Раев алгач эл алдына ырдап чыккан. Төрт адамдан турган "Жаңырык" тобунда бас гитара чертип, рок ырларын аткарган жайы бар

Мектепте Beatles тобуна таасирленип, обон созгон. Токтогул атындагы мамлекеттик сыйлыгынын лауреаты мектепти аяктап калганда төрт адамдан турган "Жаңырык" тобунда бас гитара чертип, эл алдына ырдап чыккан. Алар ошол маалда дүйнөнү дүңгүрөткөн британиялык Beatles тобуна таасирленип, англис тилинде рок ырларын аткарган жайы бар.

Министр Раев — мамлекеттик кызматкер. Өлкөнүн маданиятына эмгек сиңирген ишмер эки жылдай Билим берүү жана маданият министринин орун басары, 2005-жылы Маданият жана маалымат министри, президенттин кеңешчиси, кийин Курманжан датка, Маданият жана тарых жылдарын өткөрүү, даярдык көрүү боюнча дирекцияларды жетектеген.

Экс-министр культуры, писатель, драматург Султан Раев в Лондоне
© Фото / из личного архива Султана Раева
Елизавета II ханыша тарабынан жогорку деңгээлдеги иш-чаралардын бирине мейман катары чакырган

Атагы Англияга чейин жеткен калемгер. КРдин эл жазуучусун 2002-жылы Улуу Британиянын ханышасы Елизавета II жогорку деңгээлдеги иш-чаралардын бирине мейман катары чакырган. Ага дүйнө жүзүнөн саналуу гана адамдар катышкан. 2006-жылы драматургдун "Акыркы керээз" спектакли Англияда коюлуп, ВВС каналында көргөзүлүп, Европага тааныла алган.

Таланттуу драматург. Султан Раев өзүнүн чыгармачылыгында бир топ салмактуу чыгармаларды жаратты. Анын "Жанжаза", "Топон" романы, "Күн кармаган бала", "Чаң жол" китептери орус, украин, француз, кытай тилине которулуп, жарык көргөн. Ал эми "Кашар", "Оо, кыздар", "Суфлер", "Тайамам" спектаклдери менен "Маң", "Ханышанын көз жашы", "Барсбек" "Илек-илек", "Таажы" драмалары жергиликтүү жана чет элдик театрларга коюлуп, бир катар сыйлыктарга ээ болду.

Экс-министр культуры, писатель, драматург Султан Раев во время церемонии награждения
© Фото / из личного архива Султана Раева
2005-жылы Маданият жана маалымат министри, президенттин кеңешчиси, кийин Курманжан датка, Маданият жана тарых жылдарын өткөрүү, даярдык көрүү боюнча дирекцияларды жетектеген

Сыймыктуу үч кыздын атасы. КМШнын мамлекеттик сыйлыгынын лауреаты жубайы экөө үч кызды тарбиялап өстүргөн. Алардын эң улуусу Санкт-Петербург каржы-экономикалык инстутутун аяктаган. Учурда ал Кыргызстанда кесиби боюнча иштейт. Ортончу кызы Кореядагы ЖОЖдордун бирин бүтүрүп, Бишкекте БУУнун өнүктүрүү программасында эмгектенип келет. Ал эми кенжеси Кытайда билим алып, азыр кинематография боюнча билимин Нью-Йорк шаарында улантууда.

Тема:
Кыргыздын көркөм өнөрү, белгилүү инсандары жөнүндө фактылар (205)

Тема боюнча

Султан Раевдин "Маң" драмасы эл аралык фестивалга чакырылды
Раев Балыбаевден интервью алды. Айтматовду билбеген журналист, ыйманга аралашкан дин
Нарын театрында Султан Раевдин "Маң" драмасы коюлду
Султан Раевдин романы Швецияда өткөн эл аралык сынакта биринчи орунду алды
Белгилер:
драматург, жазуучу, режиссер, Султан Раев, Кыргызстан
Колдонуу эрежелериПикирлер

ЭҢ МААНИЛҮҮ