БИШКЕК, 25-июн. — Sputnik. Мурунку президент Алмазбек Атамбаевдин жубайы Раиса Атамбаеванын 60 жылдык мааракесине учурдагы биринчи айым Айгүл Токоева да келген коноктордун катарында болгонун КСДП фракциясынын депутаты Ирина Карамушкина билдирди.
Ал айрым ЖМКлар белгилүү ишкер Аскар Салымбековдун уулунун тоюнда франциялык Ottawan дуэти менен "Ялла" тобунун солисти Фарух Закиров ырдаганы тууралуу жазып чыгышканын белгиледи.
"23-июнда ушул эле аткаруучулар Алмазбек Атамбаевдин жубайы Раиса Атамбаеванын туулган күнүндө ырдашты. Баса, мааракеге президент Сооронбай Жээнбековдун жубайы Айгүл Токоева да келди. Экөө бир столдо кадимкидей эле сүйлөшүп отурушту", — деп жазды Карамушкина Facebook баракчасына.
Буга чейин саясатчылардын жубайлайры эмне менен алек экенин тизмектеп чыкканбыз.
