03:32 15 Тогуздун айы 2019
Түз эфир
  • USD69.8079
  • EUR77.0016
  • RUB1.0846
Мурунку премьер-министр Сапар Исаков. Архив

Сапар Исаковдун эмне мал-мүлкү бар? Декларация

© Пресс-служба правительства / Сабыр Аильчиев
Коом
Кыскача шилтеме алуу
Сапар Исаковдун камалышы (28)
573712

Акыркы маалыматтар боюнча Исаковдун батири жана унаа токтотуучу орду бар. Ал эми анын жакын тууганынын атына Lexus RX-450 унаасы катталган.

БИШКЕК, 6-июн. — Sputnik. Мурунку премьер-министр Сапар Исаков батир менен унаа токтотуучу орунга ээлик кылат. Бул тууралуу Мамлекеттик кадр кызматынын сайтына жайгаштырылган киреше жана чыгаша туурасындагы декларациясында айтылат.

Документте Исаковдун президенттик аппараттын тышкы саясат бөлүмүн жетектеп турган убагындагы маалымат көрсөтүлгөн.

2015-жылы 127 чарчы метрлик битрге ээлик кылган Исаков ал жылы 854 миң сом таап, төрт миллион сом чыгым болгон. Ал эми анын жакын тууганы 64 миң сом таап, 2009-жылы чыккан Lexus RX-450 унаасына ээ экени белгиленген.

2016-жылы бул маалымат анча өзгөргөн эмес. Исаков болжол менен 25 миң сомго азыраак таап, аянты 20 чарчы метрлик унаа токтотуучу орун сатып алган. Мурункудай эле анын атына батир жазылып турат. Тууганы 83 миң сом киреше көрүп, ошол эле унааны айдап жүргөнү белгилүү болду.

Сапар Исаковго коррупция боюнча айып тагылып, 5-июнь күнү камакка алынды. Негизинен мурунку премьер-министр бир топ адамдардын тобу менен алдын ала даярдалган аракеттердин аркасында ТВЕА компаниясынын кызыкчылыгын көздөгөн деп күнөөлөнүүдө. Бул жерде сөз Бишкек ТЭЦин модернизациялоо долбоору тууралуу болууда. Алгач эч жакка чыкпоого милдеттендирилсе, 5-июнь күнү тергөө аяктагыча камакка алынды.

Тема:
Сапар Исаковдун камалышы (28)

Тема боюнча

УКМК депутат Осмонбек Артыкбаевди камакка алды
Кубанычбек Кулматов камакка алынды
КСДП партиясы Сапар Исаковдун камалышы боюнча үн катты
Сапар Исаков камакка алынды
Белгилер:
декларация, Сапар Исаков

ЭҢ МААНИЛҮҮ