03:33 03 Чын Куран 2020
Түз эфир
  • USD84.8988
  • EUR92.7010
  • RUB1.0895
Коом
Кыскача шилтеме алуу
Аскарбек Шадиевге козголгон кылмыш иши (20)
69520

Учурда башкы прокурор Өткүрбек Жамшитов 2017-жылы жасалган иштер боюнча отчет берүүдө.

БИШКЕК, 30-май — Sputnik. Депутат Рыскелди Момбеков Жогорку Кеңештин жыйынында башкы прокурордун отчету каралып жаткан учурда мурдагы биринчи вице-премьер Аскарбек Шадиев учурда кайда экенин сурап кызыкты.

Башкы прокурор Өткүрбек Жамшитов бул суроону УКМКнын өкүлүнө берүү керектигин айтты.

Ал эми УКМКнын өкүлү чек ара кызматынын маалыматы боюнча Шадиев Кыргызстандын аймагынан чыкпаганын билдирди. Ал ошондой эле Шадиев 28-апрелде козголгон кылмыш иши боюнча чакырылып иш менен таанышканын, бирок жаңы козголгон кылмыш иши боюнча суракка келе электигин айтты.

Белгилей кетсек, буга чейин Шадиевдин чет өлкөгө жүрөгүнө операция жасатуу үчүн чыгып кеткени кабарланган болчу.

Апрель айынын соңунда Башкы прокуратура Жогорку Кеңештин депутаты, мурунку биринчи вице-премьер Аскарбек Шадиевге карата Кылмыш жаза кодексинин "Кызматынан кыянаттык менен пайдалануу" беренеси боюнча кылмыш ишин козгогон.

Депутат Момбеков өз сөзүндө бүгүн башкы прокурордун эмес, башка прокурордун отчету угулуп жатканына токтолду.

Белгилей кетсек, башкы прокурор Өткүрбек Жамшитов ушул жылдын апрель айынын аягында аталган кызматка дайындалган.

Тема:
Аскарбек Шадиевге козголгон кылмыш иши (20)

Тема боюнча

Депутат Шадиев тууганы экөө эки жылда канча киреше менен эмне мүлккө ээ болгон
Үй, унаа, фирмалар. Шадиевдин УКМК камакка алган мүлкүнүн тизмеси жарыяланды
Аскарбек Шадиев чет өлкөгө эмнеге чыгып кеткени белгилүү болду
Белгилер:
отчет, баш прокурор, Жогорку Кеңеш, Бишкек

ЭҢ МААНИЛҮҮ