БИШКЕК, 9-май — Sputnik. Президент Сооронбай Жээнбеков 9-майда Бишкектеги Жеңиш аянтында өткөн Улуу Ата Мекендик согуштагы Жеңиштин 73 жылдыгына арналган эскерүү митингине катышып, кыргызстандыктарды Жеңиш күнү менен куттуктады. Бул тууралуу өлкө башчынын маалымат кызматы билдирди.
Президент өз куттуктоосунда мекенибизди душмандан коргоп, эӊ ырайымсыз жана күчтүү жоону жеӊген, бүгүнкү тынчтыкка жеткирген аталардын эрдигин даӊазалоо керектигин айтты.
"Мекен үчүн өз өмүрүн арнап, согушта курман болгондордун элесине таазим этип, алардын ар биринин ысымдарын эскеребиз. Арабызда жүргөн ардагерлерибизге чын дилибизден чыккан ыраазычылык билдирип, алардын амандыгын тилейбиз", — деди ал.
Жээнбеков ошондой эле жеӊишке жетиш үчүн эмгектеги теӊдешсиз эрдикти жаратып, жоокерлерге дем берип турган ооруктун ардагерлерине дагы ыраазычылыгын билдирди.
Андан сырткары, согуш ардагерлеринин эрдиги урпактардын эсинде түбөлүккө жашап, эч ким, эч качан унутулбай турганын баса белгиледи.
Кыргызстандан Улуу Ата Мекендик согушка 365 миң адам катышып, 152 миңден ашууну каза болгон. Алардын эрдиги жогору бааланып, 73 кыргызстандыкка Советтер Союзунун Баатыры деген наам ыйгарылган, ал эми 21 Кыргызстандын өкүлү "Даңк" орденинин толук кавалери болгон. Жалпысынан 150 миӊ кыргызстандык ордендер жана медалдар менен
