Депутаттын KG номерди кайтаруу демилгеси мыйзамдуубу? Юристтин жообу

Жазылуу
Жогорку Кеңеште депутат Тазабек Икрамов региондорго чыкканда кыйналып жатканын айтып, эл өкүлдөрүнө KG номерди кайтаруу маселеси козгогон

БИШКЕК, 29-мар. — Sputnik. KG номерди жеке унааларга пайдалануу мыйзам бузуу болуп саналарын юрист Эркин Саданбеков Sputnik Кыргызстан агенттигине билдирди.

Эске салсак, бейшемби күнү Жогорку Кеңеште депутатат Тазабек Икрамов эл өкүлдөрүнө KG номерди кайтаруу маселеси козгогон. Ал автолордун өзүн болбосо дагы номерлерди кайра берүү зарыл деген пикирин айткан.

Заседание депутатов Жогорку Кенеша - Sputnik Кыргызстан
"Балп" этип элден "таяк жеген" депутаттар. Парламентте кара пиардын атаманы ким?
"KG номерлер мамлекеттик органга тиешелүү. Аны жеке унаага тагуу түздөн-түз мыйзам бузууга жатат. Тактап айта турган болсок, депутат талап кылып жаткан номерлер Жогорку Кеңештин унаа токтотуучу жайында турган унааларга бекитилген. Ошондой эле депутаттардын жеке машиналарынын дагы Мамкаттоо кызматы тарабынан энчиленип, каттоодо турган номери бар", — деп түшүндүрдү Саданбеков.

Эске салсак, буга чейин Жогорку Кеңештин депутаты Камчыбек Жолдошбаев жумушка келе жатканда маршурткадан түшүп жаткан эл өкүлдөрүн көргөндө уялып жатканын айтып, коомчулук тарабынан сынга алынган. Ошол эле күнү ал депутаттарга кызматтык унаасын, жардамчыларын кайтарып берүү керектигин билдирген.

Жаңылыктар түрмөгү
0