Милицияны видео, сүрөткө тартууга болот. Башкы прокуратура Саркуловго эскертүү берди

© Sputnik / Табылды КадырбековЗаместитель начальника Главного управления ПМ МВД Ыманалы Саркулов
Заместитель начальника Главного управления ПМ МВД Ыманалы Саркулов - Sputnik Кыргызстан
Жазылуу
Буга чейин Саркулов ЖККББ кызматкерлерин сүрөт жана видеого тартып, жалпыга маалымдоо каражаттарына жарыялоого мыйзам чегинде тыюу салынарын айткан

БИШКЕК, 7-фев. — Sputnik. Башкы прокуратура Жол коопсуздугун камсыздоо башкы башкармалыгынын (ЖККББ) жетекчи орун басары Ыманалы Саркуловго эскертүү бергенин аталган мекеме билдирди.

Маалыматта эскертүү Саркуловдун ЖККББ кызматкерлерин сүрөт жана видеого тартып, жалпыга маалымдоо каражаттарына жарыялоого мыйзам чегинде тыюу салынарын айткандан кийин берилгени жазылат.

"Жетекчилик кызматты аркалагандардын мындай билдирүүлөрдү таратуусуна жол берилбейт. Анткени Кыргызстандын мыйзамына ылайык, кызматта жүргөн милиция кызматкерлерин сүрөткө же видеого тартууга, ЖМКларга жарыялоого тыюу салынбайт", — деп айтылат маалыматта.

Муну менен бирге Башкы прокуратура жалпы айдоочуларды, жөө жүргөн адамдарды, ошондой эле милиция кызматкерлерин сылык болуп, жол эрежелерин сактоого чакырат.

Белгилей кетсек, Саркуловдун билдирүүсүнө кийин коомчулукта бир топ нааразычылыктар жаралып, анын жумуштан кетүүсүн талап кылышкан.

Жаңылыктар түрмөгү
0