БИШКЕК, 13-Апр. — Sputnik. №47 түзөтүү колониясынын ооруканасында жаткан экс-депутат Садыр Жапаров кайрадан №1 тергөө абагына которулду. Бул тууралуу Жаза аткаруу мамелкеттик комитети билдирди.
Эскерте кетсек, абакта кармалып турган Жапаров 2-апрель күнү кан тамырлары менен кекиртеги кесилип, ооруканага түшкөн.
"Жапаровдун абалы жакшы. Кайра эле буга чейин отурган камерасына киргизилет", — деп айтылат маалыматта.
Экс-депутатка Кылмыш жаза кодексинин 30, 227, 341, 113 жана 234-беренелери (барымтага алуу, бийлик өкүлүнө карата зомбулук көрсөтүү, өлтүрөм деп коркутуу, бейбаштык) боюнча айып тагылууда.
Сот Жапаровдун тергөө бүтмөйүнчө Бишкек шаарындагы №1 убактылуу кармоо жайына калуусун чечкен.
