00:29 03 Теке 2020
Түз эфир
  • USD78.7872
  • EUR89.0098
  • RUB1.1172
Коом
Кыскача шилтеме алуу
Олимпиадалык оюндар, Рио — 2016 (160)
95020

Рио Олимпиадасына Кыргызстандан 19 спортчу катышып, тилекке каршы, баары тең медалсыз кайтышты. Лицензия алууга канча каражат корогонун Sputnik Кыргызстан даярдаган материалдан окуңуз.

БИШКЕК, 26-авг. — Sputnik. Бүгүн, 26-август күнү Жаштар иши, дене тарбия жана спорт боюнча мамлекеттик агенттиктин директору Канат Аманкулов кыргызстандык спортчулардын Олимпиада оюндарына катышуусунун жыйынтыгы боюнча маалымат жыйын өткөрдү. 

Сборная Кыргызстана во время церемония поднятия Государственного флага Кыргызской Республики в Олимпийской деревне в Рио-де-Жанейро
© Фото / Сагын Айылчиев
Церемония поднятия Государственного флага Кыргызской Республики в Олимпийской деревне Рио-де-Жанейро

Ал арада аталган мекеме өлкө бюджетинен лицензия алуу үчүн канча каражат корогону боюнча билдирүү таратты. Эскерте кетсек, лицензиялык мелдештер өткөн жылдын башында болгон. Анда 15 кыргызстандык спортчу лицензияга жетишип, дагы төрт жолдомо квота аркылуу берилген. Натыйжада Олимпиадага Кыргызстандан 19 спортчу спорттун сегиз түрү (бокс, дзюдо, сууда сүзүү, эркин жана кыз-келиндердин күрөшү, грек-рим күрөшү, оор атлетика, жеңил атлетика) боюнча ат салышты

Олимпиаданын жыйынтыгы боюнча кыргызстандыктар эки 5-орун (балбандар Арсен Эралиев менен Айсулуу Тыныбекова) жана бир 7-орунду (дзюдочу Юрий Краковецкий) ээлешти. 

Мамагенттиктин маалыматына караганда спортчулар аталган спорттун түрлөрү боюнча 118 лицензиялык турнирге жана 176 машыгуучу окууларга катышкан. Буга агенттик 102,3 миллион сом жумшаган. Мындан тышкары, аталган турнирге катышкан спортчулардын баары стипендия алып, былтыркы жылдын июль айынан быйылкы августка чейин аларга бюджеттен 10,2 миллион сом берилген. Сентябрда мекеме стипендия алчулардын тизмесин кайрадан карап чыгышы мүмкүн. 

  • Балбан Айсулуу Тыныбекова
    Балбан Айсулуу Тыныбекова
    © AFP 2020 / JACK GUEZ
  • Балбан Арсен Эралиев
    Балбан Арсен Эралиев
    © AFP 2020 / JACK GUEZ
  • Дзюдочу Юрий Краковецкий
    Дзюдочу Юрий Краковецкий
    © пресс-служба ГАМФКиС
1 / 3
© AFP 2020 / JACK GUEZ
Балбан Айсулуу Тыныбекова

Өкмөттүн атайын токтомуна ылайык, 5-орунду алган Эралиев менен Тыныбекова миллион сомдон сыйлык алышса, машыктыруучулары 250 миң сомго ээ болушат. Ал эми 7-орунду алган Краковецскийге 800 миң сом берилип, анын башкы жана жеке машыктыруучулары 200 миң сомдон алышат. 

Мындан сырткары, аталган спортчулар эки жыл бою ай сайын 25 миң сомдон алып турушат. 

Ал эми калган спортчулар алган орундарына карата, 8 миңден 15 миң сомго чейин алып турат. 

Эске сала кетсек, Риодогу Олимпиадага аттанган 19 кыргыз спортчунун ичинен бир гана Иззат Артыков оор атлетика боюнча коло медалга ээ болгон. Анткен менен спортчунун канынан допинг табылып, өлкө жалгыз медалынан кол жууп калды.  

Төрт жыл мурун Лондон Олимпиадасына 14 кыргыз спортчусу аттанып, бири дагы медаль алган эмес. Андагы Олимпиадага Кыргызстандын капчыгынан 81,1 миллион сом жумшалган. 2012-жылкы Олимпиада оюндарында эң жакшы жыйынтык катары Магомед Мусаевдин жетинчи оруну эсептелет. 

Олимпиадачыларды сыйлоо: байге ээлерине кайсы өлкө канча акча бергенин Sputnik Кыргызстан материалынан окуңуз>>

Тема:
Олимпиадалык оюндар, Рио — 2016 (160)

Тема боюнча

Рио-2016: Кыргызстан эмне үчүн байгеден куржалак калды
Риодогу Олимпиаданын жабылышы: кыргыз желегин көтөргөн Айсулуу, миңдеген фейервектер
Рио-2016: бири-бирин жөлөп келген жөө күлүктөр өзгөчө медаль менен сыйланды
Белгилер:
Рио-де-Жанейро, спортчу, олимпиада, лицензия, медаль, акча

ЭҢ МААНИЛҮҮ