01:17 17 Бирдин айы 2020
Түз эфир
  • USD69.8500
  • EUR75.7314
  • RUB1.1008
Саясат
Кыскача шилтеме алуу
1487203

Эгер буга чейин Коопсуздук кеңеши коюлган милдеттерди аткарбай койгон мамлекеттик органдарга жумшак мамиле жасаса, эми катчылык министрликтер менен ведомстволордун жетекчилерин жазаламай болду.

БИШКЕК, 24-янв. — Sputnik. Кыргызстандын Коопсуздук кеңеши айрым мамлекеттик органдардын жетекчилерин жоопко тартууга сунуш берет. Бул тууралуу аталган кеңештин катчысы Дамир Сагынбаев билдирди.

Негизинен өлкө башчы санариптештирүү боюнча жасалып жаткан аракеттерге нааразы болуп, майнапсыз иштеген мамлекеттик орган жетекчилерин сынга алды.

Жыйындан кийин төмөнкү жетекчилерди жазалоо күтүлүп жатат:

Коопсуздук кеңеши Экологиялык жана техникалык коопсуздук боюнча мамлекеттик инспекциянын директору Жолдошбек Жунушовду кызматтан алууну сунуштады. Ведомствонун алты кызматкери байма-бай пара алып келгендиги боюнча кармалган. Андан тышкары, аталган орган Коопсуздук кеңешинин чечимдерин ишке ашырууну кечеңдетип келгени айтылды.

Социалдык фонддун жетекчиси Медербек Ирсалиевге катуу сөгүш жарыялоо сунушталды. Ведомство Коопсуздук кеңешинин чечимдерин ишке ашырууну кечеңдеткен.

Президент саламаттык сактоо министри Космосбек Чолпонбаевдин дисциплинардык жоопкерчилигин кароону сунуштады. Жээнбековдун айтымында, аталган министрлик "Мектеп медицинасы — IT-оорукана" долбоорун ишке ашыруу аракеттерине үстүртөн караган.

Президент билим берүү жана илим министри Каныбек Исаковдун дисциплинардык жоопкерчилигин кароону сунуштады. Жээнбековдун айтымында, аталган министрлик "Акылдуу мектеп" долбоорун ишке ашыруу аракеттерине үстүртөн карап, санариптештирүү процессин кечеңдетүүдө.

Дамир Сагынбаев буга чейин Коопсуздук кеңеши мамлекеттик органдарга чечимдерди ишке ашырууну өтүнүп кайрылса, эми министрлик менен ведомстволордун жетекчилери ишти аткарбаса аларды жазалоону сунуштай тургандыгын  айтты. 

Тема боюнча

Жээнбеков коррупцияга каршы саясаттын жаңы стратегиясын иштеп чыгууну тапшырды
Качып кутулам деп ойлобогула! Жээнбеков президенттигинин негизги багытын атады
Жээнбеков: кол алдындагысы пара менен кармалса, жетекчи иштен кетиши керек
Белгилер:
сунуш, жетекчи, министр, Коопсуздук кеңеши, Дамир Сагынбаев, Бишкек, Кыргызстан

ЭҢ МААНИЛҮҮ