БИШКЕК, 26-дек. — Sputnik. Бишкек шаардык кеңешине "Республика — Ата Журт" партиясынын тизмеси менен депутат болуп келген Жусуп Коргонбай уулу мандатынан ажыраганы үчүн аймактык шайлоо комиссиясын сотко берет. Бул туурасында экс-депутат Sputnik Кыргызстан агенттигине билдирди.
Коргонбай уулу Россиянын жараны экени аныкталгандан кийин 19-декабрда мандатынан кол жууган. Аймактык шайлоо комиссиясынын башчысы Кайрат Маматовдун айтымында, 2018-жылдын жайында комиссия Россиянын Юстиция министрлигине депутаттын жарандыгы тууралуу маалымат сурап кайрылышкан. Россия тарап Коргонбай уулу 2007-жылы Россиянын жарандыгын алганын жана ал бүгүнкү күнгө чейин жарактуу экенин билдирген.
"Учурда адвокаттар иштеп жатат. Мыйзамсыз түрдө мандатымдан ажыратты деп сотко кайрылабыз", — деди Коргонбай уулу.
Экс-депутат Россиянын жарандыгын албаганын айтууда.
