11:52 30 Бугу 2020
Түз эфир
  • USD73.7678
  • EUR82.0114
  • RUB1.0426
Саясат
Кыскача шилтеме алуу
449 0 0

Буга чейин Мамлекеттик Думанын мурунку депутаты Леонид Маевский "Ата Мекен" партиясынын лидери Өмүрбек Текебаев андан 1 миллион доллар алган деп айып таккан. Жыйынтыгында кыргызстандык саясатчы сегиз жылга эркинен ажыратылды.

БИШКЕК, 17-ноя. — Sputnik. Россиянын Мамлекеттик Думасынын экс-депутаты Леонид Маевский кечээ, 16-ноябрда камалды. Бул тууралуу маалымат Москванын жалпы юрисдикция сотунун сайтына жарыяланды.

Россиянын Тверь соту Маевскийди башка бирөөнүн мүлкүн опузалап алуу фактысына (РФ Кылмыш кодексинин 163-беренесинин 6-пунктунун 3-бөлүмүнө) таянып камаган. Маевский 14-январга чейин камакта болмокчу.

"Коммерсант" басылмасы полицияга таянып, Маевский жана анын азырынча кармала элек үзөңгүлөштөрү 31-октябрдан 8-ноябрга чейин Москвадагы "Альфа-групп" жана А1 компанияларынын өкүлдөрүнөн 40 миллион доллар опузалап алышканын жазды. Эгер компания өкүлдөрү акча берүүдөн баш тартса, алардын айрым маалыматтарын таратып жиберебиз деп коркутушкан.

"14-ноябрда ишкерлерден түшкөн арыздан улам полиция РФ Кылмыш-жаза кодексинин 163-беренеси (опузалап акча алуу, 15 жылга чейин камалуу санкциясы) боюнча кылмыш ишин козгогон. Маевский бир күн өтпөй эле аталган факты боюнча кармалган. Буга чейин "Альфа-групп" компаниясы менен Леонид Маевскийдин ортосунда Воронеж облусунда өндүрүлгөн керамикага байланыштуу ири жаңжал чыккан", — деп жазылат маалыматта.

Холдинг басылманын маалыматын тастыктап, чындап эле Маевский тарабынан коркутуу болгонун, мындан улам укук коргоо органдарына кайрылганын айткан.

"Бул боюнча толук, объективдүү жана ар тараптуу иликтөө жүргүзүү үчүн укук коргоо органдарына көмөктөшүүгө даярбыз", — деп жазылат арызында.

Маевскийдин адамдары комментарий берүүдөн баш тартышты.

Эске салсак, 2017-жылы Леонид Маевский "Ата Мекен" партиясынын лидери Өмүрбек Текебаев андан "Альфа Телеком" (Megacom) компаниясынын башкармалыгына кирүүгө мүмкүнчүлүк берүү үчүн бир миллион доллар алып кайтарып бербей койгонун айтып, арыз жазган. Тергөө УКМКга тапшырылып, жыйынтыгында Өмүрбек Текебаев менен Дүйшөнкул Чотонов кармалган.

16-августта Бишкек шаарынын Биринчи май райондук соту Текебаев менен Чотоновду "Коррупция" беренеси боюнча айыптуу деп таап, ар бирин сегиз жылга эркинен ажыраткан. 2-октябрда Бишкек шаардык соту биринчи инстанциянын өкүмүн күчүндө калтырган.

Кийинчерээк Текебаев Жогорку Кеңештеги мандатынан кол жууган.

Тема боюнча

ЖАМК Өмүрбек Текебаевдин азыркы абалын көрсөткөн сүрөт жарыялады
Прокуратура: Свердлов райондук сотунун экс-судьясына иш козголду
Белгилер:
кылмыш иши, сот, Өмүрбек Текебаев, Леонид Маевский, Москва

ЭҢ МААНИЛҮҮ