Кыргыз-казак чек арасындагы өткөрүү пункттарынын статусу өзгөрөт

© Пресс-служба правительства / Сабыр АильчиевЗаседание Евразийского межправительственного совета ЕЭС в Астане
Заседание Евразийского межправительственного совета ЕЭС в Астане - Sputnik Кыргызстан
Жазылуу
Муну менен кошо "Ак-Тилек – автодорожный" жана "Кара-Суу" көзөмөл өткөрүү пункттарын бириктирген көпүрө курулат.

БИШКЕК, 14-авг. — Sputnik. "Кең-Булун", "Токмок" көзөмөл өткөрүү пункттарынын статустары көп тармактуу болуп өзгөрүлөт. Бул тууралуу Кыргызстандын премьер-министри Сооронбай Жээнбеков менен Казакстандын өкмөт башчысы Бакытжан Сагинтаевдин жолугушуусу учурунда айтылгандыгын өкмөттөн билдиришти.

Белгилей кетсек, Жээнбеков Астана шаарында өтө турган Евразия экономикалык биримдигинин өкмөттөр аралык кеңешинин кезектеги жыйынына катышуу үчүн Казакстанга барды.

"Өткөн жолугушууда биз "Токмок-автодорожный", "Кең-Булуң – автодорожный" көзөмөл өткөрүү пункттарынын статусун эки тараптуудан көп тараптууга өзгөртүү, "Ак-Тилек – автодорожный" көзөмөл өткөрүү пунктуна кыргыз тараптан, "Кара-Суу" өткөрүү пунтуна казак тараптан көпүрө куруу тууралуу сүйлөшүүлөрдү жүргүзгөнбүз. Аталган маселени чечүүнү тездетүүңүздү суранам", — деди Жээнбеков.

Казакстандын өкмөт башчысы Сагинтаев актуалдуу маселелерди чечүү үчүн эки тарап тең түшүнүү менен мамиле жасоо керектигине токтолду.

Премьер-министр КР Сооронбай Жээнбеков - Sputnik Кыргызстан
Радио
Жээнбеков: тарыхта биринчи жолу экспорт импорттон ашты
"Жакын арада тараптар "Ак-Тилек – автодорожный" жана "Кара-Суу" көзөмөл өткөрүү пункттарын бириктирген көпүрөнү каржылоону баштайт. Ошондой эле жакында "Кең-Булуң – автодорожный", "Токмок – автодорожный" көзөмөл өткөрүү пункттарынын статустары көп тармактуу болуп өзгөрүлөт", — деди Сагинтаев.

Ал тараптар ортосунда мамлекеттик чек араны тактоо жана аныктоо боюнча келишимдин долбоору талкууланып бүткөндүгүн кошумчалады.

Сагинтаев, мындан сырткары, казак тараптан Кыргызстандын түштүгүндө болгон жаратылыш кырсыгынан жабыркагандарга жардам көрсөтүлөрүн айтты.

Өз кезегинде Жээнбеков Кыргызстандын ЕврАзЭС курамына кирүүсүнө байланыштуу техникалык жардам катары 100 миллион АКШ долларын бөлүү боюнча макулдашууну ратификациялагандыгы үчүн Казакстан тарапка ыраазычылык билдирди.

Жаңылыктар түрмөгү
0