БИШКЕК, 28-окт. — Sputnik. Жогорку Кеңеште жаңы чакырылыштагы депутаттардын биринчи жыйыны башталды.
Жыйын Кыргызстандын гимни менен ачылды.
Парламентте КСДП партиясынан депутат болгон Анвар Артыков төрагалык кылууда. Регламент боюнча көпчүлүк коалиция тарабынан төрага шайлангычакты Жогорку Кеңештин жыйындарын жаш курагы боюнча улуу депутат алып барат.
Туйгунаалы Абдраимов шайлоонун жыйынтыгын дагы бир ирет айтып, жаңы парламенттин ишине ийгилик каалады.
"Элге пайда алып келериңерге ишенем", — деди ал.
БШК төрагасы биометрикалык маалыматтын негизинде өткөн шайлоо Кыргызстан үчүн алдыга жылуу экенин белгилеп өттү.
Учурда жаңы шайланган депутаттар ант берип, мандаттарын алууда.
