Кыргызстанда элге белгилүү болгон автоунаалардын сатылышы боюнча интернет-порталдар саресеп салган маалыматтарды беришти. Акысыз жарнамаларды жайгаштырган lalafo.kg кызматы суроо-талаптар күч болуп жаткан, ал эми mashina.kg 2019-жылы соодаланган темир тулпарлар боюнча айтып берди.
Соңку ресурста автоунаалардын наркынын жогорку чеги июль айында болгондугун, сатылган орто баа 7 557 долларды түзгөнү айтылат.
Автоунааларды баарынан көп арзан наркта март айында сатышкан: анда орточо баа 6 495 долларга туура эле.
Ресурстун маалыматына караганда, үстүбүздөгү жылы автокөлүктөр 2000ден тарта 4000 долларга чейин соодаланган: 2019-жылы мындай жарнамалар 29 пайызды түзгөн. Эң эле таралганы 4000-6000 доллардын ортосу (23 пайыз) экени аныкталган.
Кыргызстандыктардын көп кызыкканы — Toyota үлгүсүндөгү автоунаа. Андан сырткары, Honda менен Mercedes-Benz да алдыга чыкты. Дагы бир учур, автомобилге кызыккандар BMW жана Lexus боюнча жарнамаларды ачкан.
Айтмакчы, сунуштар суроо-талапты канааттандырган. Алдыңкы үч сапка кирген автоунаа сайттан каралган машиналар менен бирдей болгон. Кызыгы, BMW менен кошо Daewoo да чыга келген.
Активдүү жарнама боюнча статистикага таянсак, кыргызстандыктар түсү анча чаңкайбаган темир тулпарларды алууну ылайык көрүшөт. Алар күмүш сымал (30 пайыз), ак (22 пайыз) жана кара (16 пайыз) түстөр. Булардын катарына көк, кызыл жана жашыл өңдөр азыраак коюлат.
Сатылып жаткан унаалардын дээрлик жарымынан көбү 10-18 жыл болгондор. Активдүү жарнамалардын үчтөн бири андан да эски, 1990-2000-жылдардын ортосунда чыккандарды камтыган. Ал эми жаңылары — 9 жылдан берки автоунаалар тогуз пайызды түзгөн.
Көлүктөрдүн эмне менен жүрө тургандыгына үңүлө келгенде, бензинди пайдалангандар көп экени аныкталган. Электромобилдер жалпы жарыянын бир гана пайызын түзгөн.
Мындан сырткары, кыргызстандыктар седан, минивэнге көбүрөөк ык коюп же беш эсе сейрек сатышары белгилүү болду. Муну менен катар эле сол рулдуулар оң рулга салыштырмалуу көбүрөөк, пайыздык көрсөткүч менен алганда 84 жана 16 болгон.
Айтмакчы, Кыргызстанга сол рулдуу болуп кирген унаалар кантип оң рулдууга айланып калганы боюнча Sputnik Кыргызстан материал даярдаган.
