Чек ара кызматы: кыргыз-тажик чек арасында кайрадан атышуу болду

© Sputnik / Игорь Егоров / Медиабанкка өтүүТажикстандын чек арасындагы Кыргызстандын атайын күчтөрү. Архив
Тажикстандын чек арасындагы Кыргызстандын атайын күчтөрү. Архив - Sputnik Кыргызстан, 1920, 08.07.2021
Жазылуу
Кыргызстандын чек арачылары Лейлек районунун Наумин ашуусунда ат менен кыдырып, күзөтүп жүргөндө Чашмагилдан ашуусунан аларга тажик чек арачылары капысынан кол салган.
БИШКЕК, 8-июл. — Sputnik. Бүгүн, 8-июлда, Баткен облусунун Лейлек районунун аймагындагы кыргыз-тажик чек арасында атышуу болгондугу тууралуу маалыматты УКМКнын Чек ара кызматы тастыктады. 
Кабарга караганда, атышуу саат 17:00гө чукул кыргыз-тажик тараптын аскерлеринин ортосунда болгон.
"Кыргызстандын чек арачылары Лейлек районунун Наумин ашуусунда ат менен күзөтүп жүрүп, Чашмагилдан ашуусуна жеткенде аларга тажик чек арачылары кол салган. Андан улам ок атышуу болгон", — деп жазылган маалыматта.
Министрлер кабинетинин Баткен облусундагы ыйгарым укуктуу өкүлү, полковник Абдикарим Алимбаев - Sputnik Кыргызстан, 1920, 01.07.2021
Баткендин башчысы Алимбаев: "Айылды таштабайбыз" деген аялдарды көргөндө шердендим
Кырдаалды териштирүү боюнча УКМКнын Чек ара кызматынын Баткен облусу боюнча жетекчиси Кыялбек Төлөнбаев жана күч түзүмдөрүнүн башчылары окуя болгон жерге чыгып кеткен.
Тажикстандын УКМКсынын маалыматына караганда, Согди облусунун Деваштич районунун Росровут аймагында болжол менен 14:55 чамасында кыргызстандык чек арачылар Тажикстандын аймагына мыйзамсыз кирген. Комитет аскерлер аттарды кыргыз тарапка айдап жиберүү аракетин кылган деп билдирди. Алардын маалыматына караганда, кыргызстандык эки аскер жарадар болгон.
Кыргызстандын УКМКсынын Чек ара кызматынан эки тараптын чек ара өкүлдөрү аталган факты боюнча териштирүү иштерин жүргүзөрүн кабарлады.
Жабыркагандар тууралуу маалымат такталып жатат.
Жаңылыктар түрмөгү
0