16:56 23 Аяк оона 2021
Түз эфир
  • USD84.8000
  • EUR99.3856
  • RUB1.1660
Окуялар
Кыскача шилтеме алуу
959 0 0

Камчыбек Ташиевдин айтымында, эки тоонун ортосундагы катуу шамалдан улам тик учак кырсыкка учураган.

БИШКЕК, 5-июн. — Sputnik. УКМКнын төрагасы Камчыбек Ташиев кечээ аны Чоң-Алайга коштоп бараткан тик учак эмнеден кырсыкка кабылганы туурасында айтып берди.

Анын видеосу ЭлТР мамлекеттик телеканалынын YouTube баракчасына жүктөлдү.

УКМК башчынын айтымында, эки тоонун ортосунда катуу шамалдан улам тик учак кырсыкка кептелген.

"Бишкектен эки тик учак менен жолго чыкканбыз, жакшы эле келе жатканбыз. Кокустук экен, артыбыздан эле учуп келаткан, аны өзүм да көргөм. Кийин эле жок болуп кетти. Көрсө, эки тоонун ортосуна киргенде катуу шамал болуп мотордун күчү жетпей калыптыр. Анан шамал сүрүп-сүрүп алып барып жерге кулатыптыр", — деди Ташиев.

Белгилей кетсек, кечээ, 4-июнда, Чоң-Алайды көздөй бараткан аскердик тик учак авариялык абалдан улам конууга аргасыз болгон. Ал Ош облусуна караштуу Араван районунун Кичи-Алай айылына түшкөн. Коргоо министрлиги конуу учурунда тик учактан өрт чыгып кеткенин маалымдаган. Бортто экипаж менен кошо 15 адам болгон, 14ү Ош облустук бириктирилген ооруканасына жаткырылган. Бирөөнүн абалы оор деп бааланууда.

Тема боюнча

Кырсыктаган тик учак. Министрлик жабыркаган бир адамдын абалы оор экенин айтты
Коргоо министрлиги Ошто кулаган тик учактын чоо-жайын айтты
Белгилер:
Камчыбек Ташиев, тик учак, кырсык

ЭҢ МААНИЛҮҮ