ОШ, 18-авг. — Sputnik. Бишкек — Ош унаа жолунун Кара-Көл шаарынын аймагындагы капчыгайда эки машина кагышып, жүргүнчүлөр жаракат алды. Маалыматты Жалал-Абад облустук жол кыймылы коопсуздугун камсыздоо башкармалыгынын өкүлү Айбек Сатыбалдиев тастыктады.
Анын айтымында, окуя бүгүн, 18-август күнү, саат 11:00дөр чамасында болгон. Бишкектен Ошту көздөй бара жаткан Honda Odyssey жамгыр катуу жаап жаткандыктан тайгаланып, айдоочу рулду башкара албай, каршы тилкеге чыгып кеткен. Бул автоунаада Аксы районунун үч жашоочусу болгон.
Honda Odyssey ошол учурда каршы тилкеде келе жаткан Honda CRV унаасын сүзгөндө ал аласалып кеткен. Анын ичинде Базар-Коргон районунун төрт жашоочусу бара жаткан. Экөө жаракат алып, жергиликтүү ооруканага жеткирилген.
Машина талкаланган. Бишкектин четиндеги үрөй учурган кырсыктын видеосу
Ал эми Honda Odyssey машинасындагылар жаракат алган эмес.
Учурда бул факты боюнча тиешелүү техникалык экспертизалар дайындалып, тергөө амалдары жүргүзүлүп жатат.
