БИШКЕК, 22-авг. — Sputnik. Бишкек шаарынын чыгыш тарабында өрттөнүп жаткан кампада кездемелер сакталып турган. Бул тууралуу жеринен Sputnik Кыргызстан агенттигинин кабарчысы билдирди.
Өрт чыккандыгы жөнүндө маалымат 18:42де түшкөн. Кампа шаардын чыгышындагы өндүрүш аймагында жайгашкан.
Ал жердеги кызматкерлердин айтымында, объект Кытай жарандарына тиешелүү.
Жеринде беш өрт өчүрүүчү унаа иштеп жатат.
Эске салсак, кечээ, 21-августта, Бишкектин батыш тарабында, Интергельпо көчөсүнүн аймагында дагы бир капмада ири өрт чыккан.
Sputnik Кыргызстан маалымат агенттиги тексттик трансляция жүргүзүүдө.
