07:28 23 Баш оона 2019
Түз эфир
  • USD69.7961
  • EUR77.4597
  • RUB1.0636
Бычак. Архив

"Балаң аркылуу өч алдым!". Сузакта бычакталган жеткинчектин үйүнөн кат табылды

CC BY 2.0 / r. nial bradshaw / knife
Окуялар
Кыскача шилтеме алуу
457001

Учурда кылмыш болгон үйгө кошуна жашаган жарандар жана маркумдун бир тууган эжеси сурак берип жатышат.

ОШ, 9-июл. – Sputnik. Сузак районундагы Барпы айыл өкмөтүнүн Каңды айылында 11 жаштагы бала бычакталган үйдөн өспүрүмдүн атасынын аты жазылып, "Мен сенден балаң аркылуу өчүмдү алдым" деген кат табылды. Бул тууралуу облустук милициянын маалымат кызматынын өкүлү Шеркул Турганбаев Sputnik Кыргызстан агенттигине билдирди.

Анын айтымында, учурда кылмыш болгон үйгө кошуна жашаган жарандар жана маркумдун бир тууган эжеси сурак берип жатышат.

Окуя болгон үйдүн дааратканасынан аялдын жана эркек кишинин кан болгон кийимдери жана бычак табылган.

Баланын сөөгү бүгүн саат 11:00дөр чамасында жерге берилди.

Маалым болгондой, үй-бүлө башчысы жана жубайы окуя болгон учурда жумушта болгон. Баланын энеси Каңды айылындагы бала бакчада тарбиячы болуп иштесе, атасы жүргүнчү ташып иштейт.

Маркум төрт бир туугандын кичүүсү болгон. Эки агасы жана бир эжеси бар.

Эске салсак, Сузак районунун Барпы айыл өкмөтүндөгү Каңды айылында 8-июль күнү саат 13:00дөр чамасында 11 жаштагы окуучу бала өз үйүндө бычакталган. Анын колу-буту скотчтолуп, бир нече жерине бычак сайылган. Сөөгү үйдүн кире беришинен табылган.

Факты Кылмыштардын жана жоруктардын бирдиктүү реестрине катталып, Кылмыш-жаза кодексинин 130-беренеси ("Адам өлтүрүү") боюнча кылмыш иши козголду. Учурда сотко чейинки өндүрүш иши ачылып, тергөө иштери жүрүп жатат.

Тема боюнча

Сузакта 11 жаштагы баланы үйүнөн бычактап кетишти
Белгилер:
милиция, кылмыш, бычак, бала, Сузак району

ЭҢ МААНИЛҮҮ