03:56 26 Бугу 2020
Түз эфир
  • USD73.6468
  • EUR80.2603
  • RUB1.0246
Окуялар
Кыскача шилтеме алуу
665230

AviaTraffic компаниясы менен мындай окуя быйыл эле бир нече жолу кайталанды.

БИШКЕК, 30-сен. — Sputnik. Эртең менен "Ош" аэропортунда Москва шаарына учканы жаткан Boeing 737 учагы кайра кайрылууга мажбур болгонун күбө Sputnik Кыргызстан агенттигине WhatsApp номери аркылуу билдирди.

Лопнувшее колесо шасси самолета Avia Traffic перед вылетом по маршруту Ош — Москва
© фото очевидца, отправленное по WhatsApp-каналу
Эртең менен "Ош" аэропортунда Москва шаарына учканы жаткан учак кайра кайрылууга мажбур болгон

Ал жиберген сүрөткө караганда, AviaTraffic компаниясына тиешелүү учактын дөңгөлөгү жарылып, резинасы жешилип кеткен.

Окуя жекшемби күнү саат тогузга чукул болгонун Кыргызстандын Жарандык авиация агенттигинин директору Курманбек Акышев да тастыктады.

"Учак абага көтөрүлө элек болчу. Бирок учакка жүргүнчүлөр жайгашып, учуу тилкесине эми чыгып күүлөнөрдө алдыңкы дөңгөлөктөрү жарылды. Бактыга жараша учкучтар маалында токтотуп калышты. Жабыркагандар жок", — деди Акышев.

Ал кошумчалагандай учурда жүргүнчүлөр мейманканага жайгыштырылып, жакынкы 3-4 сааттын ичинде башка учак менен Москва шаарына учуп кетет.

Бортто канча жүргүнчү болгону азырынча белгисиз.

AviaTraffic компаниясынан комментарий алууга мүмкүн болгон жок. Компаниянын Оштогу өкүлчүлүгүнө байланышканыбызда, Бишкектеги кеңсесинин коммерциялык бөлүмүнө кайрылууну сунушташты. Бирок ал жактан телефон чалууга эч ким жооп берген жок.

Бул окуя тууралуу "Манас" аэропорту дагы үн ката элек.

Эске салсак, ушул эле авиакомпаниянын учактары өткөн жайда эки ирет авариялык конууга мажбур болгон. Биринчи окуя 29-июлда, экинчиси 5-августта болгон. Экөөндө тең учактар абага көтөрүлгөндөн кийин кайра кайтып келүүгө мажбур болгон.

Тема боюнча

Оштон Анталияга 89 жүргүнчүсү менен учкан учак авариялык абалда Бишкекке конду
Бишкектен Анталияга 111 жүргүнчүсү менен учкан учак кайра кайтып келди
Белгилер:
аэропорт, кырсык, учак, Avia Traffic, Ош

ЭҢ МААНИЛҮҮ