Милициянын майору 2 баласы, аялы менен каза болду. Токтогулдагы кырсыктын чоо-жайы

© Фото / пресс-служба УВД Джалал-Абадской областиДТП в Токтогульском районе Джалал-Абадской области
ДТП в Токтогульском районе Джалал-Абадской области - Sputnik Кыргызстан
Жазылуу
Жол кырсыгынан каза болгон 37 жаштагы милиционердин артында дагы төрт баласы калды

БИШКЕК, 17-дек. — Sputnik. Бишкек — Ош трассасындагы жол кырсыгынан Токтогул РИИБдин аймактык тескөөчүсү, милициянын майору 37 жаштагы Нургазы Түгөлбай уулу эки баласы, аялы менен каза болгон. Бул туурасында Жалал-Абад ОИИБдин маалымат кызматы билдирди.

Белгилей кетсек, окуя кечээ Токтогул районунун Торкент айылына жакын жерде саат 18.30да болгон. Анда Hyundai Getz жана Honda Stepwgn үлгүсүндөгү унаалар кагышкан. Кырсыктын кесепетинен жети адам каза болуп, үчөө жаракат алган.

ДТП на пересечении улиц Курманджан-Датки и Горького в Бишкеке - Sputnik Кыргызстан
Унаа аялдама тарапты көздөй ыргып кеткен. Бишкектеги ири кырсыктын сүрөттөрү
Маалыматка караганда, милициянын майору Hyundai Getz унаасын ал эми Honda Stepwgn машинасын 42 жаштагы Аксы районунун Кызыл-Туу айылынын тургуну Кубанычбек Артыков башкарып бараткан. Унаалар карама-каршы тилкеде келе жатып кагышкан.

"Нургазы Түгөлбай уулунун унаасындагы 12 жаштагы кызы жана 10 айлык баласы, экинчи унаанын айдоочусу Кубанычбек Артыков жана Аксынын Кызыл-Туу айылынын 51 жаштагы тургуну Касымкожо Дилдаев окуя болгон жерден мүрт кеткен. Hyundai Getz унаасынын жүргүнчүлөрү 54 жаштагы аял жана 37 жаштагы (Нургазы Түгөлбай уулунун жубайы) Эльнора Жетигенова ооруканага жеткрилгенден кийин көз жумушкан", — деп жазылат маалыматта.

Жаракат алгандардын үчөө Аксынын Жылгын жана Кызыл-Туу айылдарынын жашоочулары болгон. Учурда алар оор абалда жандандыруу бөлүмүндө жатышат.

"Бул факты боюнча кызматтык иликтөө жүрүүдө. Жол кырсыгынын келип чыгуусунун бирден бир себеби Honda Stepwgn унаасынын айдоочусу катуу ылдамдыкта каршы тилкеге чыккан", — деп билдирди маалымат кызматы.

Жалал-Абад облусуна караштуу Токтогул районунда болгон жол кырсыгы жети адамдын өмүрүн алды - Sputnik Кыргызстан
Бишкек — Ош жолундагы кырсык 7 адамдын өмүрүн алды. Жеринен алынган сүрөттөр
Окуя болгон жерде Жалал-Абад ОИИБдин жетекчилигинин катышуусунда коммисия түзүлүп, Токтогул РИИБнин ыкчам тергөө тобу, Жол кыймылынын коопсуздугун камсыздоо бөлүмүнүн кызматкерлери иш алып барган. Учурда соттук-медициналык экспертизалар дайындалып, тергөө иштери жүрүп жатат.

Милиция кызматкери тууралуу маалымат:

Нургазы Түгөлбай уулу Токтогул шаарында 1980-жылы туулган. Үй-бүлөлүү, 6 баланын атасы. Токтогул РИИБдин аймактык тескөөчүсү, милициянын майору. Ички иштер органдарында 2003-жылдан бери иштеп келген.

Жаңылыктар түрмөгү
0