Токтогулдун Торкент айылына жакын жерде Hyundai Getz жана Honda Stepwagen унаалары кагышкан
БИШКЕК, 17-дек. — Sputnik. Жалал-Абад облусуна караштуу Токтогул районунда болгон жол кырсыгы жети адамдын өмүрүн алды. Бул туурасында ӨКМдин маалымат кызматы билдирди.
Ал эми ӨКМдин билдирүүсүндө каза болгондордун саны жетиге жеткени айтылат.
Белгилей кетсек, жол кырсыгы кечээ Бишкек — Ош унаа жолунун 299-чакырымында (Торкент айылына жакын жерде) саат 18.30да болгон. Анда Hyundai Getz жана Honda Stepwagen үлгүсүндөгү унаалар кагышкан. Кырсыктын кесепетинен беш адам каза таап, дагы бешөө жабыркаганын Жалал-Абад ОИИБ кабарлаган.
Ал эми ӨКМдин билдирүүсүндө каза болгондордун саны жетиге жеткени айтылат.
"Кырсыктан жети адам набыт болуп, үчөө жаракат алган. Жабыркагандар Токтогул райондук ооруканасына жаткырылган. Ал эми каза болгондор өлүк сактоочу жайына жеткирилди", — деп айтылат билдирүүдө.
Алдын ала маалымат боюнча Honda үлгүсүндөгү унаа Бишкектен Аксы району көздөй бараткан, экинчи унаа Үч-Терек айылынан Токтогулга багыт алган.
