БИШКЕК, 15-сен. — Sputnik. Бишкек — Ош унаа жолунун 480-чакырымында үч унаа кагышып, жыйынтыгында алты адам көз жумганын ӨКМдин маалымат кызматынан билдиришти.
Кырсык Ноокен районунун Достук айыл аймагында 14-сентябрь күнү саат 22:00дөр чамасында катталды.
"Audi үлгүсүндөгү эки унаа жана Hyundai Porter кагышып алган. Окуя болгон жерге ӨКМдин 11 куткаруучу тартылган. Жол кырсыктын кесепетинен Audi унааларындагы алты адам каза болду. Алардын бешөө кырсык болгон жерден, бирөө ооруканада көз жумду", — деп айтылат билдирүүдө.
Каза болгондордун сөөгү Кочкор-Ата шаардык оорукананын өлүкканасына жеткирилген.
Ал эми Hyundai Porter унаасындагы жабыркаган бир адам Шамалды-Сай шаардык ооруканасына жиберилди.
