БИШКЕК, 8-сен. — Sputnik. Таңга жуук Балыкчы — Каракол унаа жолунун 112-чакырымында Lexus RX300 унаасы жол кырсыгына учурап күйүп кетип, андагы төрт адам каза болгондугун ӨКМдин маалымат кызматынан билдиришти.
Жол кырсыгы саат 04.27де болгон.
"Машина жолдон чыгып, оодарылып, андан соң күйүп кеткен. Жерине барган ӨКМ кызматкерлери өрттү саат 05:30да толугу менен өчүрүштү", — деп айтылат билдирүүдө.
Каргашалуу окуядан каза тапкан төрт адамдын аты-жөнү такталууда.
