Соцтармактан кыргызстандыктарды Сирияга жөнөтүп жана үгүттөп жүргөндөр кармалды

© AFP / SAUL LOEB Доступ к интернету в КР
Доступ к интернету в КР - Sputnik Кыргызстан
Жазылуу
Кыргызстандыктарды Сирияга жөнөтүүгө жана үгүттөгө активдүү катышкан деп шектелип эки жаран кармалган

БИШКЕК, 6-июл. — Sputnik. Кыргызстандыктарды социалдык тармактар аркылуу Сириядагы согуш болуп жаткан жерге жөнөтүп жана үгүттөп жүргөндөр кармалды. Бул тууралуу Улукттук коопсуздук мамлекеттик комитетинин маалымат кызматы билдирди.

Үстүбүздөгү жылдын 14-июнунда кармалган 21 жаштагы жаран эл аралык террордук уюмдун мүчөсү катары шектелүүдө.

"Кармалган жаран эл аралык террордук уюмунун тапшырмаларын аткарып социалдык тармактар аркылуу жарандарды согушкерлердин катарына жөнөтүү максатында жихадка үндөп, үгүттө иштерин активдүү жүргүзүп келген", — деп айтылат маалыматта.

Ал эми экинчи кармалган кыргызстандык эл аралык террордук уюмдун тапшырмаларын аткаруу үчүн атайын жиберилгени аныкталган. Ал элди үгүттөп Сирияга эки кыргыз жаранын согуш болуп жаткан жерге жөнөткөн. Алардын бири ошол жакта каза болгон.

Бул боюнча кылмыш иши козголуп, кармалгандар УКМКнын убактылуу кармоочу жайына киргизилди. Териштирүү иштери жүрүп жатат.

Жаңылыктар түрмөгү
0