Арстанбап тоолорундагы кар бурганагында калган израилдик туристтер куткарылды

Жазылуу
Израилдик төрт турист Көл-Мазар көлүнө баратып Тянь-Шань тоолорунда калып калган. Куткаруучуларды күткөн саякатчылар түндү тоодо өткөрүшкөн.

БИШКЕК, 3-июл. — Sputnik. Кечээ Арстанбапта деңиз деңгээлинен 3715 метр бийиктикте жайгашкан Тянь-Шань тоолорунда калып калган израилдик туристтердин тобу куткарылды. Бул тууралуу Израилдин Jerusalem Online агенттиги жазып чыкты.

Порталдагы маалыматка караганда, төрт израилдик жаран Көл-Мазар көлүнө багыт алышкан. Бирок алар бороонго байланыштуу көздөгөн жерине жете алган эмес.

Безопасность на дорогах Испании - Sputnik Кыргызстан
Кочкордо мейманкана издеп жүргөн туристтерди унаа коюп, бирөөсү каза болду
Magnus эл аралык куткаруучу компаниясы туристтерге сапар алдында спутникалык уюлдук аппараттарды беришкен. Аларга өткөн ишемби күнү бороондо калган туристтерден сигнал келген. Андагы маалыматтар туристтердин 3713 метр бийиктикте калып калганын көрсөткөн.

Аларды куткаруу иштерине ТИМ менен камсыздандыруу компаниясы катышып, жергиликтүү куткаруу кызматынын тик учагы жиберилген. Бирок бороонго байланыштуу көрсөтүлгөн жерге конууга мүмкүн болгон эместиги маалыматта белгиленген.

Израилдик Magnus компаниясынын өкүлү Амид Хареел Sputnik Кыргызстан агенттигине Арстанбаптагы туристтер куткарылганын ырастады.

"Ишемби күнү аба ырайына байланыштуу тик учак көрсөтүлгөн жерге коно алган жок. Буга байланыштуу туристтер тоодо түнөөгө аргасыз болушту. Кийинки күнү эртең менен куткаруучулар аларды тоодон ат менен түшүрүштү", — деди Амид Хареел.

Ал ошондой эле туристтердин арасында жабыркагандар жок экенин кошумчалады.

Жаңылыктар түрмөгү
0