БИШКЕК, 21-апр. — Sputnik. Бишкекте эки окуучуну койдуруп кеткен Mercedes-Benz С-class үлгүсүндөгү унаанын айдоочусу изделип жатканын Бишкек шаарынын Кайгуул милициясынын маалымат кызматынан билдиришти.
"Болжол менен 13.40тар чамасында Бакаев менен Ремесленная көчөлөрүнүн кесилишинен Mercedes-Benz С-class үлгүсүндөгү унаа №74 мектептин 3-классынын эки окуучусун кагып, кырсык болгон жерден качып кеткен", — деп айтылат билдирүүдө.
Жабыркагандар шаардагы Балдар клиникалык ооруканасынын жандандыруу бөлүмүнө түшкөн. Экөөнүн тең абалы оор.
Кайгуул милициясы жогоруда айтылган унаанын ээси тууралуу маалыматы барлар (0312) 53-22-33, 53-01-81, (0772) 18-88-21 номурларына кабарлоону өтүнөт.
Алдын-ала маалыматтарга карганда, бул номер Чүй облусунун Маловодное айылында каттоодо турат.
