БИШКЕК, 18-апр. — Sputnik. Бишкек шаарынан 9-класстын окуучусун машина коюп кеткенин милициядан билдиришти.
Маалыматка ылайык, Toyota Ipsum үлгүсүндөгү автоунаа Абдрахманов көчөсү менен түштүктү көздөй баратып, Ахунбаев көчөсүнө жетпей окуучу кызды сүзүп кеткен.
"Айдоочу окуучу кызды жөө киши баса турчу жерден өткөрбөй койгон. Кыздын мээси чайкалып, ооруканага жеткирилди", — деп айтылат билдирүүдө.
24 жаштагы айдоочу айдап бараткан машина айып короого киргизилди.
