БИШКЕК, 31-июл. — Sputnik. Былтыр Кыргызстанда илимий иштерге жалпысынан 528 миллион сом жумшалган. Бул тууралуу Улуттук статистика комитети билдирди.
Анын эң чоң бөлүгү, тагыраагы, 483 миллион сому илим-изилдөө иштерине сарпталган. Мунун ичинде долбоорлук-конструктордук жана технологиялык иштер, курулуш үчүн долбоордук иштер, буюмдардын тажрыйбалык үлгүлөрүн даярдоо жана илимий-техникалык тейлөөлөр бар.
Баса, жогоруда айтылган сумманын басымдуу бөлүгү илимпоздордун өз күчү менен (демөөрчүлүк негизинде) табылган каражат.
Ал эми илимий иштер менен өткөн жылы 4 385 киши алек болду. Булардын арасында 347си илимдин докторлору, 1009у илимдин кандидаттары.
Борбор Азия жана Кавказга биолаборатория курууда АКШнын көздөгөнү эмне?
Эске сала кетсек, Кыргызстанда илим чордону болгон Улуттук илимдер академиясында реформа керек экени бир топ жылдан бери айтылып келет. Ал тургай 2010-жылдардан кийин Улуттук илимдер академиясы сыяктуу илим-изилдөө институттарын жоюу пикирин айтып чыккандар болгон.
