15:19 26 Бирдин айы 2020
Түз эфир
  • USD69.8500
  • EUR75.8850
  • RUB1.0759
Экономика
Кыскача шилтеме алуу
173 0 0

Депутаттын айтымында, жергиликтүү бийлик спортко, маданиятка, укук коргоочуларга, ӨКМге акча бөлүүгө укуктуу, бирок саламаттыкты сактоо тармагы четте калган.

БИШКЕК, 14-фев. — Sputnik. Жогорку Кеңештин депутаты Бактыбек Турусбеков жергиликтүү бийликке өз аймагындагы медициналык мекемелерди каржылоого уруксат берген мыйзам долбоорун сунуштап жатат.

Депутат Жогорку Кенеша Бактыбек Турусбеков на заседании
© Фото / пресс-служба ЖК
Жогорку Кеңештин депутаты Бактыбек Турусбеков

Аталган мыйзам долбоору биринчи окууда жактырылды. Турусбековдун айтымында, бүгүнкү күндө жергиликтүү бийлик мүмкүнчүлүгү болсо дагы бейтапканаларга жардам бере албайт. Мындан улам аларга мыйзамдуу түрдө укук берүү шарт.

"Республикалык маанидеги Бишкек, Ош шаарларында мэрия шаардык кеңештин чечими менен ооруканаларга жабдуу алууга, дарыгерлерге кошумча маяна берүүгө каражат бере алат. Бирок ошол сыяктуу эле дарыгерлер Нарында, Ак-Сууда, Баткенде, Таласта деле иштейт да. Биз "сөзсүз түрдө акча бөлүнсүн" деп милдеттендирген жокпуз. Болгону укук берип жатабыз. Бул мыйзам долбоору кабыл алынса мамлекеттик-жеке менчик өнөктөштүктү активдүү колдонууга да шарт түзүлөт", — деди Турусбеков.

Ошондой эле депутат жергиликтүү бийлик спортко, маданиятка, укук коргоочуларга, ӨКМге акча бөлүүгө укуктуу экенин, бирок саламаттыкты сактоо тармагы каралбай калганын белгиледи.

"Мэрия, акимчилик, айыл өкмөт кайсы бир долбоордон үнөмдөлгөн же кошумча каражаттын эсебинен көмөк көрсөтө алат. Мисалы, бир бейтапкананын чатырын алмаштырып, ажатканасын оңдоп же линолеум алып берет. Болбосо мугалимдерге кошумча маяна берет. Эгер азыр ушундай иш жасаса Эсеп палатасы текшерип, "бюджетти максатсыз пайдаланды" деп кине коёт", — деди эл өкүлү.

Соңунда Турусбеков өкмөт быйыл 40 айыл өкмөттү дотациядан чыгарууну пландап жатканын белгилеп, демек, алар да медициналык мекемелерге каралашууга чамасы жетип каларын кошумчалады.

Тема боюнча

Өлкөдөгү дагы төрт оорукана акысыз гемодиализ программасына кирди
Белгилер:
мыйзам, каржылоо, бюджет, медицина, Бактыбек Турусбеков

ЭҢ МААНИЛҮҮ