11:36 13 Бештин айы 2017
Түз эфир
Жазгы талаа иштери. Архив

Карашев: 25-январдан тартып фермерлер жеңилдетилген насыя ала баштайт

© Sputnik / Виталий Тимкив
Экономика
Кыскача шилтеме алуу
40 0 0

Биринчи вице-премьер "Айыл чарбаны каржылоо-4" долбоору боюнча фермерлерге жеңилдетилген насыя берүү боюнча жыйын өткөрдү.

БИШКЕК, 13-янв. — Sputnik. Өкмөт үстүбүздөгү жылдын 25-январынан тартып фермерлерге жеңилдетилген насыя бере баштай турганын биринчи вице-премьер Аалы Карашев насыя берүү боюнча жыйында билдирди.

Анын айтымында, үстөк ставканы субсидиялоого 400 миллион сомдон кем эмес каражат каралууда. 

"Жазгы айдоо иштери үчүн 12 пайыздык үстөк менен 3 миллиард сомдук насыя берилет. Бирок бул акча да жетишсиз", — деди Карашев.

Биринчи вице-премьер жеңилдетилген насыя менен каржылоо жетиштүү деңгээлде болбой жатканын айтып, мындан улам Улуттук банк, "Айыл Банк", "РСК банк", Каржы жана айыл чарба министрликтерине насыя берүүнүн көлөмүн жогорулатуу боюнча тапшырма берди.

Жыйын жүрүшүндө былтыр фермерлерге 3,8 миллиард сомдун чегинде жеңилдетилген насыя берилип, анын 74 пайызы мал чарбачылыгына, 12 пайызы өсүмдүк өстүрүүгө жана 14 пайызы башка тармактарга жумшалганы белгилүү болду.

Тема боюнча

Сариев: айыл чарбаны өнүктүрүүгө ар бир райондун шарты бар
Өкмөт башчы айыл чарбасын заманбап технология менен өнүктүрүү керектигин айтты
Белгилер:
мал чарбасы, фермер, насыя, Аалы Карашев
Колдонуу эрежелериПикирлер

ЭҢ МААНИЛҮҮ