БИШКЕК, 21-май — Sputnik. Казакстандык белгилүү ырчы Кайрат Нуртас Ош жана Жалал-Абад шаарларына концерт берет. Бул тууралуу Sputnik Кыргызстан агенттигине кечени уюштуруп жаткан "Азия" куурчак театрынын жетекчиси Дамир Сатыков билдирди.
Маалыматка ылайык, концерт 21-майда Жалал-Абад, 22-майда Ош шаарларынын борбордук стадионунда өтөт.
"Бул маданий иш-чараны энелер күнүнө жана театрыбыздын үч жылдыгына карата уюштуруп жатабыз. Концерт кечки саат 19.30да башталат. Билет жарандарга 350, студенттерге 250 сомдон сатылууда", — деди Сатыков.
Мындан сырткары, кечеге ата мекендик ырчылар да катышып, өзгөчө шоу программа менен коштолорун маалымдады.
