БИШКЕК, 27-фев. — Sputnik. Кыргызстандын улуттук илимдер академиясында Сагымбай Орозбаковдун 150 жылдыгына карата илимий-практикалык конференция өтөт. Бул тууралуу академиянын маалымат кызматы билдирди.
Иш-чара 28-февралда Чыңгыз Айтматов атындагы Тил жана адабият институту тарабынан уюштурулат.
"Конференцияга өлкөдөгү илимий мекемелердин, жогорку окуу жайдын изилдөөчү-адистери, манасчы, жазуучу, Сагымбай Орозбаковдун мураскерлери жана башка адамдар катышат. Иш-чарада улуу манасчыга байланышкан илимий докладдар окулат", — деп жазылат маалыматта.
Билдирүүгө караганда, конференцияга биринчи вице-премьер Чолпон Султанбекова, маданият, маалымат жана туризм министри Түгөлбай Казаков жана Эл жазуучу Бексултан Жакиевдин келиши күтүлүүдө.
