БИШКЕК, 3-май — Sputnik. Бишкек калаасында экономика жана коммерция министринин орун басары Искендер Асылкулов менен Беларустун өнөр жай министринин орун басары Леонид Рыжковский бир нече долбоорлорду талкуулады. Бул туурасында Кыргызстандын аталган ведомстводон кабарлашты.
Бишкек калаасында экономика жана коммерция министринин орун басары Искендер Асылкулов менен Беларустун өнөр жай министринин орун басары Леонид Рыжковский бир нече долбоорлорду талкуулады
© Фото / Пресс-служба Минэкономики КР
Өнөр жай тармагындагы кызматташтык боюнча кыргыз-беларусь биргелешкен кичи комиссиясынын экинчи жыйыны Кыргызстанда өттү. Иш-чарага эки республиканын өнөр жай ишканаларынын жетекчилери катышты.
Өнөр жай кооперациясынын алкагында тараптар Минск шаарындагы завод менен биргеликте кыргызстандык ишкананын базасында май трансформаторлорун чогултуу өндүрүшүн баштоо маселеси, эскирип калган лифт паркын алмаштыруу программасын кабыл алуу менен лифт жабдууларын чогултуу долбоору талкууланды.
Мындан тышкары, алардан эл ташый турган, айыл чарба жана атайын техникаларды алуу боюнча сүйлөшүлдү. Ага Беларустун ири өнөр жай ишканаларынын жетекчилери жана кыргыз өндүрүш секторунун өкүлдөрү катышты. Бул — продукцияларды жеткирүү жана комплектилөөчү бөлүктөрдү сатып алуу боюнча өз ара иш алып барууну бекемдөөгө мүмкүндүк берет.
Өндүрүштүк милдеттерден тышкары, катышуучулар квалификациялуу кадрларды даярдоо маселесине да токтолушту. Рыжковский кыргызстандыктарга беларустун жогорку окуу жайларында билим алууга жана талап кылынган техникалык адистиктерди өздөштүрүүгө тартуу боюнча сунуштарын айтты.