БИШКЕК, 29-апр. — Sputnik. Дүйшөмбү күнү Санкт-Петербургда Ленинград блокадачыларынын эл аралык уюмунун XXXI съезди өттү.
Ага Кыргызстандан Ленинград блокадачыларынын коомунун төрагасы Марат Кутанов катышып, Улуу Жеңиштин 81 жылдыгына жана курчоодон аман калгандардын 83 жылдыгына арналган арналган иш-чаралар тууралуу айтып берди.
Ал ошондой эле улуу композитор Дмитрий Шостаковичтин Жетинчи симфониясынын маанисине токтолуп, аны эрдиктин жана туруктуулуктун символу катары белгиледи.
Съездде "Возвращение имени" акциясына өзгөчө көңүл бурулду. Бул долбоордун алкагында Кыргызстанда 21 үй-бүлө Улуу Ата Мекендик согуш жылдарында дайынсыз жоголду деп эсептелген жакындары тууралуу маалымат алган.
Тимурчулардын иши жана Анна Кутанова атындагы Ленинград блокадасынын тарых музейинин иши да жогору бааланды.