БИШКЕК, 25-апр. — Sputnik. Курулуш министри Нурдан Орунтаев Кыргызстан боюнча курулуп жаткан 376 мектеп, бала бакча, оорукана жана башка социалдык инфраструктура объектилери дайыма көзөмөлдө экенин билдирди.
Анын айтымында, курулуш процессин онлайн режимде байкап турууга мүмкүнчүлүк берген атайын жабдуулар сатып алынган. Ал мисал катары Ош шаарындагы Ломоносов атындагы мектептин курулуш процессин көрсөттү.
“Ар бир объект боюнча маалымат көрсөтүлүп жана ал автоматтык түрдө жаңыланып турат. Ошондой эле курулуш иштеринин этаптары да катталат. Мисалы, арматура туура коюлганбы, бетон сапаттуу куюлганбы — ушуларды көрүүгө болот. Курулуш материалдары кайсы заводдон келгенине чейин текшерсе болот”, — деп белгиледи Орунтаев.