Германиянын борбору Берлинге жеңиштин эң алгачкы туусун 106-минометтук полктун 1-батареясынын чалгынчысы, ефрейтор Александр Муравьев сайган. Ага тапшырылган Ыраазылык барагында "пулеметтон жааган окторго карабай батарея командири капитан Платонов менен бирге беш кабаттуу имараттын куполуна чыгып, мекенибиздин жеңишинин символу болгон "ЗА НАШУ СОВЕТСКУЮ РОДИНУ" деген жазуусу бар тууну орнотту", — деп жазылган.
Гитлерчилер борбор калааны көчөдө жүрчү салгылаштарга кылдат даярдашкан. Шаарда зениттик куралдар орнотулуп, бийиктиги 40 метрлик бетондон бийик үч мунара куюлган. Алар: зоопарк тарапта Flakturm I, чыгыш тарапта Flakturm II жана түндүктө Flakturm III курулушу эле.
"Гитлерчилер ар бир үйдү чабуул менен ала турган чепке айландырышкан. Эсимде, бир жолку чабуул учурунда батальонубуздун бир нече жоокери болуп, германиялык балдарды, аялдарды жана кары-картаңдарды жер төлөдөн сууда сүзүп жүрүп куткарып чыкканбыз. Караңгыда фашисттер өздөрү каптатып жиберген. Биз, советтик адамдар, балдардын өлүмүнө кайдыгер карап тура алган жокпуз..." — деп эскерген фронтовик Иван Перфильев.
Бул жерден да советтик жоокерлер бир топ тажрыйба топтоп, кийинки кармаштарга кадыресе даяр болуп калышкан. Башка арга да жок эле. Себеби жеңиштин карааны жакындап калган.
"Үйдөгү апаларыбызга, колуктуларыбызга, жакындарыбызга жакында көрүшө турганыбызды жазып, сүйлөшүп жатабыз. Азыр, ушул учурларда өмүрдүн кымбат экенин болуп көрбөгөндөй сезет экенсиң. Жеңиш жакындап калганда бошоңдой баштадык деп түшүнүп алба, жок! Аскердик милдеттин кайтпастыгы, темирдей тартип биздин каныбызда. Башкысы, сен үчүн башкалар фашисттердин таш-талканын чыгара албастыгын түшүнүп турасың", — деп ага лейтенант Борис Кровицкий акыркы катында жазган.
Бул каарман жоокер согуштун бардык мезгилдерин аман-эсен өтүп, Берлинде 1945-жылдын 30-апрелинде курман болгон.
Ал эми Берлин саналуу күндөрдүн кийин фашисттерден тазаланган...