БИШКЕК, 6-апр. — Sputnik. Аксы районунун Кум айылында 8 жашар бала Нарын дарыясына түшүп кетти. Бул тууралуу Өзгөчө кырдаалдар министрлигинин Жалал-Абад облустук башкармалыгынан билдиришти.
Маалымдалгандай, кырсык 5-апрелде болгон. Кечээтен бери издөө иштери жүрүп жатат. Бүгүн 16 куткаруучу бир дрон жана үч кайык менен издөөгө чыгышкан. Аларга милиция кызматкарлери менен жергиликтүү тургундар да жардам берүүдө.
Белгилей кетсек, буга чейин Нарын шаарында да 5 жашар бала дарыяга түшүп кеткени кабарланган.