БИШКЕК, 2-апр. — Sputnik. Иран ортомчулардан согушту токтотуу боюнча шарттарын тизмектеп берип жибергенин Каирдеги дипломатиялык миссиянын жетекчиси Можтаба Фердоусипур билдирди. Бул тууралуу ал РИА Новости агенттигине маек куруп жатып айткан.
"Арага түшүп жаткандар аркылуу кенемте төлөөнү, санкциялардын баарын алууну жана мындан ары кол салуу болбой турганынын кепилдигин сурап жатабыз", — деди өкүл.
Буга чейин АКШ президенти Дональд Трамп Вашингтон менен Тегеран натыйжалуу сүйлөшүүлөрдү өткөргөнүн айткан. Анткен менен Иран ТИМи эч кандай түз пикир алышуу болбогонун, бирок Тегеран ортомчулары аркылуу Вашингтондун жаңжалды аягына чыгаруу боюнча сүйлөшүүлөрдү баштоо ниетинен маалымдар болгонун билдирди.
АКШ менен Израиль 28-февралда Иранга кол салган. Тегеран Израилге жана АКШнын Жакынкы Чыгыштагы аскердик базаларына сокку уруп жооп кайтарууда.