БИШКЕК, 1-ноя. — Sputnik. Украиналык оппозиция энергетикалык саясаттын натыйжасыздыгынан улам Владимир Зеленскийге Украинанын коопсуздугуна шек келтирген деген айып тагууга даярданып жатканын Politico журналы маалымат булагына таянып жазды.
Оппозиция Зеленский электр энергиясынын узакка өчүрүлүшүнө же жылуулуктун жоктугуна жол бербөө үчүн алдын ала сактык чараларын көрүшү керек болчу деп билдирүүнү көздөп жатканы белгиленди.
Киевде жана Украинанын бир нече аймактарында электр жарыгын көп саатка өчүрүүлөр 10-октябрда башталган. Бийлик энергетикалык тармактар жана коммуналдык системалар жабыркаганын билдирди.
Киев режиминин башчысы натыйжасыз чечимдери үчүн бир нече жолу сынга кабылган. Ал эми "Страна.ua" басылмасы оппозиционерлер Зеленскийдин позициясын алсыратуу үчүн иштеп жатканын жазган. Андагы маалыматка караганда, ал үчүн фронттогу татаал кырдаал эң кооптуу.