БИШКЕК, 22-мар. — Sputnik. Жалал-Абад шаарына бүгүн "Эскерүү багы" акциясынын алкагында 80 түп ак кайың тигилди. Бул туурасында Россиянын Оштогу Башкы консулдугунан кабарлашты.
Иш-чара Улуу Жеңиштин 80 жылдыгына арналып, "Эскерүү багы" эл аралык акциясынын алкагында өттү.
1 / 4
Жалал-Абад шаарына бүгүн "Эскерүү багы" акциясынын алкагында 80 түп ак кайың тигилди
© Фото / Генконсульство России в Оше
"Отургузулган дарактар Жеңиш үчүн өмүрүн бергендердин эрдигин, каармандыгын эскерип турмакчы",— деп айтылат маалыматта.
Көчөт отургузууга "Русский домдун", Россиянын Оштогу Башкы консулдугунун, "Мурас" аскер-мекенчилдик клубунун, шаардын администрациясынын, Баткендин Ардагерлер кеңешинин, Афганстан согушунун Жалал-Абаддагы Ардагерлер кеңешинин өкүлдөрү келишти. Алардан сырткары, "Славянская диаспора" ассоциациясынан, россиялык православдык Архангел Михаил чиркөөсүнөн (Ош шаары), "Чет өлкөдөгү россиялык мугалимдер" долбоорунан, Татар-башкырт "Идель" борборунан да катышкан.
Бул иш-чара аймактарда "Жеңиштин ыктыярчылары" эл аралык кыймылынын демилгеси менен жасалып келет.
"Эскерүү багы" — Улуу Ата Мекендик согуштун баатырларынын элесине арнап дүйнө жүзүнө 27 миллион бак отургузуу камтылган эл аралык акция.
