БИШКЕК, 25-окт. — Sputnik. Бүгүн Ош шаарына Россия президентинин Чет өлкөлөр менен аймактар аралык жана маданий байланыштар боюнча администрациясынын жетекчиси Игорь Маслов баштаган делегация келди. Бул тууралуу калаа мэриясы билдирди.
1 / 5
Бүгүн Ош шаарына Россия президентинин Чет өлкөлөр менен аймактар аралык жана маданий байланыштар боюнча администрациясынын жетекчиси Игорь Маслов баштаган делегация келди
© Sputnik / Акылбек Батырбеков
Маалыматка караганда, алар Россиянын колдоосу менен курула турган жаңы билим берүү комплексинин жерин көрүүгө барышкан.
“Кароонун жүрүшүндө объектинин курулушун баштоо боюнча жүргүзүлүп жаткан иш-чаралардын комплексин тездетүү зарылдыгы белгиленди”, - деп айтылат маалыматта.
Мындан тышкары, делегация Түштүк федералдык университети (Ростов-на-Дону) менен Сибирь федералдык университетинин (Красноярск) базасындагы Макаренко атындагы №6 жана Алтыбаев атындагы №14 шаардык мектептердин инфраструктурасы менен таанышкан.
Алар ошондой эле көзү азиз жана начар көргөн балдар үчүн атайын жалпы билим берүүчү мектеп-интернатка барышып, анын тарбиялануучуларына белек беришкен.
Эскерте кетсек, бул мектеп-интернатка мурда жардам катары атайын окуу-методикалык адабияттар да берилген.
21 Тогуздун айы 2024, 12:55